حبيبتي أهم شيء اسألو عنه الرجل كويس ونظيف وماديته قادرة يفتح بيتين إقبلي به مو مشكلة متزوج أفضل بعد متزوج عشان تخف عنك المسؤلية وتتفرغين لحياتك مو كل يوم مقابلته ومقابلك تنغثين
وشوفي موضوع بنت تقول
يلا .. نترك التردد...يلا نعلنها سوا

موضوع اعجبني:

صح

انا افكر

بس متردده

احيانا اوافق

بس اجي بآخر لحظه واتردد

هذا حال كثير من العرايس ودهم بالزواج، ويلقون الزوج المناسب جدا، بس عنده عيب وحيد انه متزوج.

كثير يفكرون بالموافقه لكن التردد يوقفهم، وفكرت احط موضوع نتخلص من هذا التردد ونعلنها سوى، 
ايوه بوافق، انا بنت ومن حقي أفرح، من حقي البس فستان الزواج، من حقي افرح اهلي، من حقي القى لي ونيس بالحلال يكون لي سكن وامان، معاد بهتم بالتفكير بكلام الناس، كل وحده منهم مع زوجها ببيتها ويعطوني توجيهات وماهم حاسين فيني اني وحيده.
خلاص بعلنها من اليوم، بوافق على الزواج من متزوج اذا مقتدر واخلاقه طيبه وشكله عجبني.
خلاص ابي اكون ام، سنه ورا سنه تمر.
صح انا جميله، صح انا بيضا، صح جسمي حلو، لكن مالها قيمه وانا وحيده، واحضر زواجات البنات، والكل يقول عقبالك، وانا كل ما جاني عريس ارفضه بحجة انه متزوج، 
صح اعرف ان المرأة له سن معين للحمل، وبرضه جالسه اكابر، عشان بس كلام الناس.
طفشت من اللاب والواتس والنت، خلاص ابغى حياه حقيقيه، ابغى زوج يغار علي، يهتم بي، لو يوم عندي ويوم لا، مو مشكله، يوم لطلبات البيت ويوم اجازه، واكون اسره، واسمع كلمة ماما ماما ماما.
دام الشرع حلله، انا ابغى الحلال، انا كرهت اسمي من كثر ما ينادوني به، اخواتي ينادونهم ام فلان وام فلانه، واعرف البنات كثير، وهالفتره يجوني عرسان متزوجين وكويسين، ايش يعرفني الفتره الجايه، يجيني شخص متزوج مناسب ومميز، والا بيجيني اللي مشي حالك، والا ما يجيني احد.
أنا قررت من اليوم اعلنها واوافق على العريس ولو متزوج طالما ما فيه عيب الا هذا.

واللي تبغى تعلن موافقتها من اليوم على متزوج، تعلنها معنا، وتبشر انا وكل الخطابات بنجتهد، وانا اعلنها للجميع اي عروسه بتعلنها معنا بسعى لها لوجه الله ما بآخذ منها ريال واحد.

يارب يرزقك بالزوج الصالح العزابي التقي الرومنسي الغني إلي يحبك ويموت فيك يارب عاجلا غير آجل

الله يرزقك باللي تتمنية

الله يرزقك الزوج الصالح بدون شريكة ولا مشاكل

اكثري من الدعاء في الثلث الاخير من الليل باذن الله تفرج

انا كان ابوي ما يزوج الا من الاقارب اخواتي من ابوي كلهم متزوجين من اقاربنا انا كنت رافضة فكرت الاقارب تقدم لخطبتي صاحب اخوي ابوي رفضة بشدة يقول اجنبي هذا الكلام قبل 13 سنة سال عمي عنهم لكن ابوي قال لامي كلمة والله ما انساها البنت في ذمتك ورد بعد شهر بالموافقة بعد محاولات امي واخوي والحمدلله تحقق حلمي وتخلصت من زواج الاقارب وابوي ولله الحمد علاقتة طيبه مع زوجي

الله يسعدك ويفرح قلبك بعريس طيوب ويحبك