اللهم لك الحمد قصة ولادتي يوم الثلاثاء 9 فبراير باحلى غنى بالدنيا

اللهم لك الحمد والشكرر يارب ولدت الثلاثاء الماضي بمستشفى الحبيب بالريان عند الدكتوره الرائعه خالده العتيبي دكتوره روووعه الله يسعدها كانت وللادتي صعبه مرررره بس الحمد لله مرت بسلام
ولدت بعد ماخلصت 35 اسبوع
يوم الاثنين كنت عند اهلي وبعد ماتعشيت معهم قالو لي خواتي ابدي من الحين سوي تمارين القرفصاء مفيده للحامل طبعا جلست اسويها وبعدها حسيت بمغص خفيف وقبلها كنت احس بمغص واحس البيبي نازل ماكنت ارتاح امشي وازين واشتغل فبيتي مجهده نفسي يوم ررجعت للبيت زاد المغص علي وخففت بس مااصدقت انه طلق قلت يمكن برد كالعاده شربت كمون وزنجبيل ورحت ابنام بس ماجاني نوم المغص مستمر وكل شوي اقووم واشوف معي افرازات هنا خفت وصحيت زوجي واخذت شنطتي كانت الساعه 3 ونص الفجر واروح للمستشفى وتكشف علي الدكتوره قالت معك طلق ونبض البيبي ضعيف شوي والرحم فاتح 2 سانتي وتكتب لي تنويم وياخذون علي تحاليل لان معي فقر دم ويعطوني ابرة لرئة البيبي ويستمر الطلق معي الين الساعه 11 الظهر تكشف قالت 3 ونص وتروح وترجع الساعه 2 ونفس الحاله 3 ونص الساعه اربع كشفت دكتورتي لقته 4 والساعه 6 صار مفتوح 5 ونص قالوو بنفتح موية الراس وننتظر ساعه اذا مازاد بنعطيك طلق صناعي ولازاد وشبكو فيني الطلق كان قوووووي وحار
معد قدرت اتحمله وبس استغفر واسبح واكبر واحمد الله
الساعه 9 جت الدكتوره وبدت توسع بغيت امووووت بس اتشهد واصرررخ واضرب فالممرضات
كانت مووووووووت متعبه
طولت فالدفع وبديت اخذرف عليهم واصرخ ابي عمليه ويالله لك الحمد والشكر الساعه 9 ونص طلعت احلى غنى بالدنيا كلها يوم شفتها نسيت كل شي
طلعوها وعلى طول عالعنايه مع اني سمعتها تبكي والدكتوره طمنتني ان مافيها شي
اخذوها يقولون شاربه سوائل
ونفسها سريع جلست عندهم 5 ايام طبعا
طبعا طلعتها اليوم الخامس على مسؤليتي لاني حسيتهم بدو يتفلسفون وكل يوم يطلعون فيها عذر والبنت مابها شي بس عشان الفلوس
المستشفى كل شي فيه زين ورائع من د كتوره لخدمه لتمريض لاخلاق لتعامل
ماعدا قسم العنايه المركزه لحديثي الولاده ماعجبووووووني ابدا
الله يغنينا عنهم بالعافيه