اللهم لك الحمد قصه ولادتي القيصريه الثانيه

السلام عليكم حبايبي الحمدالله الحمدالله حمدا كثيرا ولدت بالسلامه قبل تقريبا ست ايام وكل اللي دعو لي جزاكم الله الف خير ويسر وسهل عليكم حملكم وولادتكم ..مع الاسف الشديد جدا جدا اني ولدت بمستشفى سعد التخصصي حسبي الله عليهم ونعم الوكيل ..نبدا كان حملي بعد سنه ونص من انجابي لطفلي الاول وكانت ولادتي قيصريه عند نفس المستشفى وكانت تحت يد دكتور عدنان عاشور احسن وافضل الدكاتره بمستوى المنطقه والحمدالله كانت سهله وميسره والله العظيم ثلاث ايام وانا بااحسن حال والحمدالله وهذا الشي اللي خلاني اطلب القيصريه الثانيه وطلبتتها ولكن الدكتور اجازه ودخلت النت ورشحولي البنات استشاري ممتاااز وكلن يمدحه وتوكلت على الله وسويت موعد ورحت له وحدد لي يوم العمليه تجهزت وتوكلت على ربي وسويت الفحوصات والتحاليل ودخلت صباح يوم العمليه المفااجاءه حددلي موعد اجراء العمليه تسعه صباحا يوم رحت الموعد عندهم 2الظهر وانا صايمه من امس بالليل الساعه 10 مشيتها لهم وقالو لي بنحاول ندخلك ومن هالكلام المهم جت عشره ونص ودخلووني لغرفه العمليات وانا طول الوقت ادعي واستغفر وفيني شعور ابي ارتاح من الثقل اكثر من شعور الخوف والتوتر طلبت بنج نصفي والمفاجاءه الثانيه تخيلوووو نزعو ملابسي مني تماااما يعني باللهجه العاميه (زلط ملط) وانا وضعي سااكته وضعيفه وثقيله تخيلو الغرفه فيها اكثر من عشر اشخاص اطباء جراحين خدم متدربين تخيلو ماعلي ولااااشي لمده عشر دقايق ..... المهم خذيت الابره ولبسوني وغطوني وانتظر الجراح انتظر ابد ولا جاء ولاهم يحزنون مين اللي ولدني اخصااااائيه تخيللو عمليه تسويها اخصائيه وانا كنت مره رايحه عندها موعد قلت لها دكتوره لو اطلب قيصري مين يولدني قالت اكيد استشاري جراح احنا الاخصائين مانسوي عمليات بس ولادات طبيعيه وخياط ..والمفاجاءه هي اللي ولدتني ..اللي صاار الحمدالله ولدي بصحه وسلامه بس طولو وهم يطلعونه وزنه صغير وكبرو الجررح مرره كبير وطبعا خيووط ووولدي الاول كبس تجميلي المهم الان وضعي الم على جنبي قووي مرره مااقدر امشي ولااوقف يجي ويروح وقلت للدكتوره اكتبت لي مسكناااات الدنيا وقالت لي اذا زاد زاد تعالي الطواريء الشي الثاني مانظفوني زين لي ست ايام ولحد الحين ينزل دم مني وفي بكري والله العظيم رجعت البيت ماكان فيه شي يذكر الا اذا مسحت .. واسفه جدا جدا على الاطاله بس حبيت انبهكم ودعوواتكم لي بالشفاء العاجل