اللهم لك الحمد والشكر ياااااااااااااااارب :)

السلام عليكم ورحمه الله وبركاته

الحمدلله والشكر لله اللهم لك الحمد يااااااااااارب ولدت وجبت احلى نواف :)

الحمدلله ولدت وجيت ابشركم يالغاليات ...

اشكر لكل من دعت لي وكل من ساعدتني في استفساراتي عن مواضيعي

جيتكم وجبت معي قصه ولادتي واذكرو الله علي الله يجزاكم الجنه يارب ....


اول شي هذا ثاني بيبي ليه الاول حمودي الله يخليه لي انا وابوه وعمره 3 ونص ..

وهذا الثاني نواف تووه عمره اسبوع ...

ولدت بتاريخ 26/12/1431هـ عالروآتب يعني :) ههههههه

..

طبعا ولدته الحمدلله وانا بثاني اسبوع من التاسع

باول اسبوع جاتني الالام الولاده الساعه 2فجر وقعدت ببيتي ليييييين 9 الصبح توقعت اروح اولد

ولكن كشفت علي الدكتوره قالت توه 2 ونص ... طبعا قلت مابي تنويم ووقعت على مسؤليتي وطلعت ..

المهم حبيباتي رجعت بيتي ونمت عالظهر تقريباصحيت العصر وانا ماااااافيني اي شي ولا كانه

راح الطلق وراح الخوف وكل شي :44:

بعدها قلت يابنت توكلي على ربك ووقت مايجي يجي لاتنتظرين ...

ووضعي عاادي اشرب في هالقهوه والزنجبيل والرطب والمشي وكل ابو شي جربته

لييييين جاني الفرج من رب العالمين وجاني الالم الخميس اللي فات

كنت نايمه لين العصر وقمت على اساس انه بيجي ضيوف لام زوجي ودخلت اتروش واحس بالالام

قلت لا مافي شي لاتوسوسين يابنت واتروش واتدلع واطلع والبس واكشخ واستشور والالم يجي ويروح

وانا اقول مااااافيني شي هههههه اقاوم يعني المهم انزل عند ام زوجي قالت شفيك قلت الالام تجيني

قالت لا لازم تروحين المستشفى قلت لا لا مافيني شي وتجيني طلقه غيرت كل ملامح وجهي ونادت زوجي

وقالت ودها خلاص تقريبا كانت الساعه 6 ونص بعد المغرب واروح المستشفى وتكشف علي وتقول

7 مفتوح ولاده ... وبس قالت ولاده ووانااا ام الركب وانواع البكى والخوف ..

لازوجي يقدر يدخل معي ولا ام زوجي قدرت تجي معي وحتى لو جت مايدخلونها ولا امي ولااااا اي احد

وياخذوني ويطلعوني فوق

وكل شوي تكشف وتقول رقم لين وصل 9 سحبتني لغرفه الولاده وطلقتين ثلاث الا ونواف طالع الله يحفظه لي

يعني كانت بالضبط الساعه 8 بعد العشاء ..وعلى بال الخياطه وامورنا السنعه صارت 9 .. على بال ماحطوني

بالملاحظه عشان يشوفون فيه نزيف او لا طلعت الغرفه 11 تقريبا ...

والحمدلله يارب الحمدلله يارب هم وانزاح وطلعت الجمعه 12 ظهر وجيت بيتي اللهم لك الحمد

وان شاء الله بكره اروح لامي بجده :)

هذي قصتي وحبيت ابشركم بولادتي وادعي لكل من دعت لي وهونت علي منكم

والله يفرج لكل حامل يارب ويعدي لها ولادتها على خير وتجعلها برد وسلام عليها يارب

ويهون الطلق ويحسن الخلق يارب العالمين ..