اللهم لك الحمد ولك الشكر ولدت بالسلامة

السلام عليكم ابشركم يا بنات ولدت بالسلامة بفضل من الله ورحمه اسال الله ان يصلح لنا ولكم ذرياتنا ويجعلهم قرة عين لنا
الاربعاء بالليل كنت اكتب للبنات في ملف يناير وفبراير ومارس اني بخلص التاسع وما حسيت باي الم او طلق وكان موعدي يوم الخميس
المهم كنت عند اهلي ورجعت بيتي بأخر الليل وزوجي يقولي فلان جتله بنت وفلانه ولدت سبحان الله! قلت له كل الناس ولدت وانا بعوشر!
واروح البيت واغير هدومي وتكب علي مويه فجأة بدون مقدمات ولا حنفية مفتوحة! ويجيني خوف فضيع! واحط منشفه كبيرة واروح المستشفى
وتكشف علي طوارئ تقول مافي طلق والرحم مسكر والمويه كلها نزلت! لازم طلق صناعي!
ويحطون لي طلق صناعي الساعه 2 فجر الخميس ربع ساعه ويضطرب قلب الجنين ويقفون الطلق ويرجعونه مره ثانيه الساعه 5 الفجر
وتكشف علي الساعه 8 الصباح تقول واحد سم وتكشف علي الساعه 12 الظهر وتقول 2 سم وتكشف 4 العصر تقول 3 سم وتكشف 6 المغرب وتقول 4 سم
بعدين قالت ابزيد الطلق الى الاخر علشان يفتح اسرع! زادت الطلق الى الساعه 10 وتكشف تقول 3 ونص سم!!
بعدين قالت خلاص مافي فرصه الرأس ما زال مرتفع شوي ما نزل في الحوض والطلق قوي وقلب الجنين مو متحمل!
وادخل عملية الساعه 12 وربع ساعه وانا والده! وجبت احلى كتكوت في الدنيا عسى ربي يحفظه
طبعا اخترت البنج الكامل لاني اخاف من النصفي وصحيت منه الساعه وحده ونص تقريبا
الحمد لله اليوم طلعت من المستشفى بالسلامة واحمد الله واشكر فضله على كل حال