اللهم لك الحمد و المنة كما ينبغي لجلال وجهك و عظيم سلطانك..نحفت

السلام عليكم حبيباتي,,بجد احبكم و احب هالمنتدى اللي بصراحه ساعدني فامور واجد فحياتي بفضل الله عز وجل.. في كل الأقسام بصراحه الله يكتب لكم الاجر ويقبل من كل وحده اخلصت في مشاركاتها الثواب و الاجر..قولوا اميين..

ما بطول عليكم انا وزني كان الحمدلله كبير و كنت ضخمه تقريبا 86 كجم و طولي 168 سم وكلكم تعرفون كيف تكوم مناحه اللبس و يكفي الشكل الظاهري و عدم الراحه حتى في الصلاه صعب السجود خصوصا ان سمنتي مرتكزه في كرشي و جوانبي بدون مبالغه كاني لابسه اطار او تاير..
بعد فضل الله قررت أبدأ رجيم ع شهر 2 ميلادي-يعني قبل 6 شهور- و كنت صعب استمر بسبب كثر التعليقاات و الاحباط صراحه لان كنت احرم نفسي من الاكل مع هلي ايام و بعدين لما اجي اوزن و لاشي نفس الوزن السابق وتعالي اسمعي التعليقات كنت و الله احيانا تخنقني العبره و بعضكم يعرف هالشعور المهم اللي صار نزلت بكم اسبوع مادري يمكن كيلو.. و من الضيقه و محاولتي اني انحف مع مشاكل الدوام و ضغوط الحياه رجعت متنت و بزيادة شراهه بعد..يعني عادي اتعشى كبسه و انام.. او معزومه ع خروف بعده نووم عادي!! هذا مش تخبيص فجعنه من قلب..الله الستعان..
وضقت ضقت صدق.. بعدها صحصحت بعد ماجابتلي اختي بلوزه شرتها جديد من زارا بس الحجم غلط اكبر منها فاهدتني اياها لما جيت البسها طلعت ضيقه علي وقتها صدق بكيت وانحرجت وكرهت نفسي..
و لاتغفلون عن سؤال رب العالمين .. بالدعاء ترى ماتحسين ادعي باخلاص وربي بيقويكي انا ترى هذا اللي صار معي بديت بتاريخ 28 شهر 3 ميلادي يعني 23 ربيع الثاني برجيمي و خلصت بتاريخ 27 شهر 5 يعني جمادى الثاني المختصر اخذت شهررين تقريبا وو صل وزني بفضل الله و قولوا ماشاء الله لاقوة الا بالله لاني تعبت لحد ما وصلت بفضل المنان صرت 75 كجم واستمريت لحد اليوم وصلت امس وزني 69 كجم..
و بقولكم رجيمي بالتفصيل و ما ابي غير تدعون لي بالغيب ان الله يتمم علي بصحه و سلامه ويفرج همي ويعيني ع طاعته وذكره يااارب..
..بديت اول شي برجيم قاسي لمده عشر ايام : اول يومين بس اكل روب الي اهو زبادي سواء كامل الدسم او قليل الدسم نزلت فهاليومين كيلوين فارتفعت معنوياتي وقدرت ابدا.. عقب اكمل رجيمي اسمه رجيم عذاري..لمده عشر ايام بس لاتطولون انا اخاف من هالامور بس اضطريت لفتره قصيره عشان النفسيه تتعدل..اقل شي بتنزلين 3 كيلو ,,والله حلووووين..
بس عقب ع باقي الايام بديت اسوي رجيم خفيف ومعقول عباره عن فطور:اول ما اصحى علبه ماي بو 500 مل
عقب ع الساعه 6 الصبح اخذ قهوه ماليزيه زي التركيه بالضبط و ع فكره اهي 3 بواحد فيها سكر و حليب بس اهم شي اسمها قهوه تسد الشهيه جربت النسكافيه نفخني ع الفاضي غير انه يسوس الاسنان..
طيب.. عقبها ع الساعه 9-10 فطوري شريحتين توست اسمر مع شريحه جبن قليل الدسم و خياره و روب قليل الدسم احس نفسي عقبها بانفجر شباعه اللهم لك الحمد..
ع الساعه 3 وانا راجعه البيت تفاحه او كمثرى احيانا اذا جوعانه تفاحتين
ع الساعه 4 اتغدى: ثريد بر مع صالونه خضراوات بدون زيت او معجون طماط مع روب قليل الدسم و ايانا اتغدى شوربه شوفان بدون زيت لان التفاح يكون ملا بطني الحمدلله
العشا اهرررررررررررررررب انام بدري وا ذا جعت شربت غرشه ماي واناام
رياضه نادر كنت اسوي بس لو مستمره كان جسمي مشدود بس كنت صعب استمر
اعشاب : يوميا كوبين (شاي اخضر+كمون+ليمون+زنجبيل طازج) عجججججججججججججججيب اتوقع هو اللي خفف كرشتي اللهم لك الحمد..
كنت كثير اشرب ماااي الحمدلله
ماعندي وقت للرياضه بس اتحرك واجد بدل ما امر الشغاله انا قوم و في الدوام اكثر حركه
الحمدلله كنت البس قياس 18 والحين 14 اللهم لك الحمد.. ومستمره الحين بس تخفيف بدون عشا .. مابي انحفزياده لان شكلي صار يخوووف ههههه بس ابي احافظ باذن الله.. في رمضان يمكن نزلت كيلوين الحمدلله كنت بس اخفف..
حبيباتي اي سؤال انا حاضره يمكن نسيت شغلات ||مستعجله ابي النووم هههههه
لاتنسوني من دعواتكم الطيبه :)