اللهم وانت نازل لسماء الدنياء بالثلث الاخير ان اللي ترد علي تحقق لها كل اللي تبي.

السلام عليكم.. يالمشرفات يارب يارب وانت نازل لسماء الدنياء ان اللي تخلي موضوعي وماتنقله ولاتحذفه يارب حقق لها كل اللي تبي واكثثثر..


اخواتي بختصر لاني من الجوال اكتب..

اخواتي انا مو متزوجه وبدخل الثلاثين. وخاطري اتزوج والحمدلله مو ناقصني شي الكمال لله.. صح يتقدمون لي بس مافي نصيب..

المهم انا رومانسيه وحنووونه وحسااااسه المهم وخاطري اتزوج زوج صالح الله كريم....ابي الستر والعفاف.. ونظرات الناس ماترحم.. لاتقولون لي خطابه وماخطابه.. لاتحرجوني...

وانا عندي ابوي رجال كبير بالسن وقوم بخدمته. مريض وعمره فوق 85 وهالفتره مرررض اكثر وانا اللي اخدمه انا واختي اللي اصغر مني. بس انا اخدمه اكثر لانه يعتمد علي اكثر بعد الله.. تعرفون ابر السكر والحبوب هذي انا اللي اعطيه اياها.. معتمد علي بعد الله... امي كبيره ولاتعرف تقرى ولاتكتب. يعني بالعلاجات ماتعرف الا شكل الكراتين ياحبي لها..

احيان اقول يمكن ربي مارزقني زوج عشان اخدم ابوي...
وانا ابي اخدم ابوي وابي ارضي والديني..


مشكلتي..
لما اجي ادعي ربي بسالفه الزواج استغفر الله احس الشيطان يخليني امئل وائئيس يجي يائس . رغم اني دعيت ربي باشياء ثانيه وتحققت..
ولله الحمد..
بس بسالفه الزواج يحطمني وادعي واحس مادعيت..
كيف اتغلب ع هالشي..
حتى بالاستغفار مع سالفه الزواج نفس الشي.. رغم اني استغفر بنيه تقرب لله ورضاء ربي ومغفره ذنوب...

وانا الحمدلله مداومه ع الاستغفار والصدقه وصلاه الليل وملتزمه ولله الحمد...

بس بسالفه الدعااااء حقت الزواج يحطمني كيف اتغلب على هالشي..

اخواتي قبل شهرين تقريبا..
تقدم لي شخص وفرحت وهو عمره يمكن 26 وانا 29 وبدخل الثلاثين . المهم تقدم عن طريق صديقتي. كلمتني صديقتي وقالت استخيري.. عاد نفس اليوم صديقتي قالت لاخت الرجال ترى لمسه اكبر منه واخت الرجال قالت لاخوها ورفض قال ماابي اكبر.مني. وانا مدري عن السالفه.. اليوم الثاني رحت صليت الاستخاره مع الصباح. يعني صليت الاستخاره والولد رافضني وانا مدري وهالشي حزني .. استخير والشاب رافضني.. وجاء نفس اليوم وكلمت صديقتي وقالت لمسه الولد رافض من امس من قبل استخير بسبب اني اكبر منه.. وقالت استحيت اقولك.. انا حزنت ع سالفه اني كنت استخير والولد رافضني ولاادري ... بس الله كريم...

ياخواتي ادعوا لي بالزوج الصالح التقي النقي الغني عاجل غير اجل...

يارب من دعت لي يارب ترزقها وتخليها تسجد لك باكيه من الفرح يارب وانت نازل لسماء الدنياء...

والله صرت اخاف احد يحرجني.. الله كررررريم..
خااطري ابشركم قريب..
يارب يارب يارب ارزقني انا وبنات المسلمين الازواج الصالحين عاجل غير اجل..

اخواتي انا اختكم الصغيره انا محتاجه لله ثم لدعواتكم وكلامكم ونصايحكم. يمكن كلمه منكم تغير حياتي بعد الله .يمكن كلمتس ياختي ونصيحتس يمكن اطبقها وراح تغير حياتي واجلس طول عمري وادعيلتس...


يالمشرفه سالتس بالله ماتشوتين الموضوع ولاتنقلينه. خليه ع الاقل اسبوووع..

الله يجزاكم الجنه..