اااااب

ماعندي علم بس نبهتيني على هاشي ماطرى علي ابد بسال دكتورتي عنه

ورفع لعيونك يالغلا

قصدك يالغاليه اختلاف الفصيله

شوفي مو لازم تطلعين انتي فصيلتك سالبة على اهلك ...
يعني امي فصيلة دمها -AB وابوي +A

عددنا 9 كلنا على ابونا .. الا اختي الكبير واخوي على امي -AB
امي لازم تاخذ ابرة الفصيله بعد كل ولادة ,,, لان اختلاف الفصيله عندها مع ابوي تسبب سقوط الاجنه
امي حملت 3 مرات ورى بعض وكلهم تسقطهم لان في ذاك الوقت مايعرفون شيء اسمه ابرة فصيله الا بعد ماجت اختي بين الحياة والموت والحمدلله حيت بفضل الله وهذاها حرمه وش زينها وام بعد ... لكن بعد ماولدت امي اختي الكبيره اخذت ابرة الفصيله بعدها ولا سقطت عقبها امي احد لكن الله ستر مع اختي الكبيره وعطاها العمر وصحه لكن اللي قبلها 3 حملات توفوا بعضهم تسقيط وبعضهم تجيبهم لكن مريضات يجلسون بالمستشفى يومين بعدين يتوفون

اختي تزوجت واحد بضبط زي فصيلة دم ابوي وهي زي فصيلة امي ... اول شهر بحملها نزل عليها دم استمر شوي شوي ويوم صارت بنص الثاني جاها نزيف وسقطته وعطوها ابره الفصيله بعد التنظيف مباشره
بعدها كل ماولدت مباشره يعطونها ابرة الفصيله بدون طلب منها لانه بملفها لازم وواجب يعطونها اياه
حتى المستوصف الحكومي اللي هي تابع له يحولونها اول شهور حملها للمستشفى عشان اختلاف الفصيله عشان يتابعها المستشفى ... بس الحمدلله ماعندها اي مشاكل


انا فصيلة دمي +B وزوجي +A والحمدلله مافيه مشاكل


وحده من اقارب زوجي عندها اختلاف الفصيله وجاااااابت ماشاء الله تبارك الله رجال وحاريم كثار ولا صار لها تسقيط واحد والمستشفى مو مصدق انها ماسقطت احد وعيالها سليمين ...

ياختي الحمدلله انتي باين عليك ماعندك انه ماعندك اختلاف الفصيله لو عندك كان شافوا من اول ماحللتي حمل ... لانه اذا حللتي حمل دم لازم يكتبون فصيلة دمك بالتحليل واذا شافت الدكتوره فصيلة دمك سالبه لازم على طول تشوف زوجك

الحمدلله انتي بخير وجنينك بخير وشوله الوسوسه ... ماعندك مشاكل بحملك لا دم ولا شيء ليش تفكرين فيه