اللهوم والسفوف والاعشاب والهوا !!!!!!!

السلام عليكم حبيباتي ..
انا من سنين في هالمنتدى ومن كثر مااقرا عن الاعشاب والهوا والخلطات فعلا اقتنعت بهالاشياء وصرت اسويها واقضي نفاسي ودورتي في كآبه وهم واعشاب وخلطات عشان ايش عشان مايصير فينا خراب !!!!
لكن بنفاسي الثالث تابعت الدكتوره غاده العدواني وياليتني عرفتها من قبل مااحمل لكن قدر الله وماشاء فعل
هالدكتوره ربي يجزاها الف خير قامت بحمله لا لقص العجان
وفي هالحمله كمان فهمتنا سبب الهواء والوسع ووشلون نتخلص منه
طبعا هي تقول لا فلفل اسود ولا لهوم ولا قشر رمان ولا تحاميل ولا اي خرابيط لها علاقه وانا اقول هي صح لاني انسانه جربت كل هالخرابيط وطلعت كلها خرطي
طبعا الهواء نحس فيه بالحركه لانه يدخل ويطلع بسبب ارتخاء عضلات المهبل وقاع الحوض
وسبب الارتخاء الحمل وليس الولاده الطبيعيه لانه حتى القيصريه يعانون من هالمشكله
والعلاج هو القيام بتمارين قاع الحوض ومن اهمها تمارين كيجل وفعلا معاها حق انا طبقتها كنت احس بهواء وصوت ولي اسبوعين اسوي التمارين والصوت اختفى الحمدلله وباقي هوا احيانا وراح استمر باذن الله
هالتمارين مو بس اللي ولدت هي اللي تسويها المفروض كل بنت وكل امرأه تسويها حتى اللي باقي ماتزوجت
انا حبيت اكتب هالموضوع واساعد هالدكتوره بحملتها ولو بالقليل واوصلكم الشي البسيط اللي تعلمته منها في هالفتره القصيره واصحيكم من الجهل اللي كنت عايشه فيه مثلكم
ومن ضمن الخرافات طبعا العمليه التجميليه والليزر وكلها للاسف استغلال لجهلنا وعدم معرفتنا
الدكتوره تقول مافي شي اسمه خياطه تجميليه بالطب بس للاسف هذولي اطباء غير ثقه استغلونا ماديا ومعنويا وضحكوا علينا بهالخرابيط
ابحثو عن انستقرامها وسنابها وتابعوها راح تتغير حياتكم راح تستمتعون بايام الحمل والنفاس وتعيشون حياة طبيعيه بعيده عن هالخرافات ،،