الله اكرمني بالحمل...بس الخوف ملازمني من ايام التحليل..

اول اطلالة لي بـ قسم الحمل والولادة..
كنت قبل ما أجرأ ادخل عندكم..

الآن لله الحمد والمنة اكرمني الله بالحمل..
بعد رحلة علاج استمرت 7 سنوات..
طبعا بعد استمراري في الدعاء والإستغفار واللجؤ الى الله ..ثم بـ الإستعانة بالعلاج..واستخدام تقنية اطفال الأنابيب..
في مركز ذرية..

مريت بمراحل كثيــرة ما بين منشطات وانتظار و تحليل ..

طبعا هالأمور ما تخفى على اللي مروا بنفس ظروفي .. (الحمدالله على كل حال)..

بعد العملية الأخيرة ..
سويت اول تحليل ..>> ايجابي ..>> بس خفت من التحليل الثاني ان الرقم ينزل ولا يتضاعف..
سويت التحليل الثاني..>> تضاعف الرقم..>> حمدت ربي ولازال الخوف ملازمني..ان الرقم ينزل...
التحليل الثالث>> الرقم تضاعف>> الحمدالله..وهذا اخر تحليل رقمي..:time:
بعدين استخدمت التحليل العادي ولأول مرة شفت الخطين وصرت يوميا اسوي التحليل..من الخوووف..

عطاني الدكتور موعد بعد اسبوع من اخر تحليل رقمي..عشان السونار والتأكد من الجنين والنبض..

طبعا السونار داخلي..

وكنت طوول الوقت على اعصابي ..خاااايفة ..
يمكن ما يشوفون الجنين او مثل ما اسمع دايما (كيس بدون جنين)..

بس الحمدالله شفت الجنين وسمعت نبضه..
والممرضة قالت انتي بالإسبوع السادس..

والدكتور قال كل شي ممتاز الكيس والنبض ..الحمدالله..

وطبعا قال لي استمري على المثبتات..>> كنت اخذها مرتين قال لي خليها 3 مرات..
والفوليك اسيد والجوسبرين..

عطاني موعد بعد 3 اسابيع للسونار..

وقال خلاص متابعة حمل عااااادي..وقال لي تبين تتابعين عندنا او اي مستوصف ثاني..

الى الآن تمااااام..

بس مشكلتي بصراحة هي الخوووف..

من ايام ما كنت احلل الى الآن والخوف مستمر..

واتوقع هالخوف بيكون معاااي كل موعد كشف..

خايفة الله يستر من (الإسقاط ا و توقف نبض الجنين)..

سويت بحث في قوقل عن علامات توقف النبض ..

وكنت متوقعة انها نزول دم او افرازات بنية..

بس للأسف شفت ان ماله علامات يعني تروحين موعدك وتكتشفين عند الدكتورة بعد الكشف..

وتجييك الصدمة بعدين..


سؤالي للي صار عندهم اجهاض او توقف نبض الجنين ..

ايش العلامات الي صارت لكم..!!>> على الأقل اتهيأ نفسيا..



الله يتمم لي على خير..ويرزق كل محرومة...ويهون على كل حامل شهور الحمل والولادة..

..اتمنى اني ما ثقلت عليكم..