الله العالم جاني اكتئاب النفاس ياربي بس وش السواة

السلاااام عليكم






ايييييييه ياحزززززم الضاااااامي
يابنات الله العالم اني انهبلت وتبي تطير الوشره اللي على طريف

انا ولدت لي اكثر من عشر ايام بس مدري كم بالضبط ولاودي ادري لكن الحمدلله على الصحه والعافيه

الحاصل يابنات اني بس صياح ونياح وضيقة صدر مب طبيعيه ابدددددد

ودي اطلع من بيت اهلي اليوم قبل بكره ودي اروح لبيتي واقفل على نفسي تحسفت اني تزوجت :09:

وابلشت زوجي بالرسايل انا شكلي بموت انتبه للولد اذا تزوجت لاتحطه عند زوجتك حطه عند خالتي تربيه و و و وهو يابنت الحلال تعوذي من ابليس و و و لحد والله العالم بيجيه حاله نفسيه بسبتي

والله العظيم يابنات <== لاتضحكون كان معي تورم بالاطراف وش اطرافه ؟؟ الا كلي متنفخه ومع صياح يومين كاملين من غير انقطاع اختفى الانتفاخ :icon28: <== لقت حل ناجع

ملييييييييييت والله اذا جتني الضيقه احس بحراره ودوخه وغثيان ولااشتهي اكل ولاحتى المويه اشتهيها

ولاانام كويس بسبب البزر ذبحن جاب لي الصمرقع ماغير ماغص <== هذي طنزتي ببطني يوجعن قلعتي :(

دوروا لي حل تكفووووون وقولولي هذي اعراض الاكتئاب والا لا خلني اجدع ولدي على احد قبل لااذبحه :09: بسم الله عليه وه بسسسس