العشر عليكم مباركه ويارب يتقبل منا ومنكم صالح الأعمال وياسعد من استغل هالأيام بالعمل الصالح وفاز برضا رب العالمين
انا اكتب لكم وانا ببريطانيا وهالمره كانت زيارتي لها غير لانه زيارتي الأولى كانت قبل ثلاث او أربع سنين تقريبا مناسبة هالموضوع انه ربي انعم علي بنعمه ماكنت عارفه قيمتها والان بس عرفت بعد غفله وعفا الله عما سلف اانها عزة وشموووووووووووووووخ وفخر بلا حدود وحسيت بالفرق بين زيارتي الاولى والثانيه والحقيقه هالكلام ترددت في كتابته كنت اخاف انه يكون رياء لكن قلت من حقي افتخر وافرح واوصل رساله لكل بنات حواء انه هذي وربي نعمه لو حسيتي فيها وبقيمتها ماراح ترضين بالبديل
خلاصة الموضوع عشان ما اطول عليكم العبايه الحجاب والستر
فعلااااااا والله اني احس بحلاوته سبحان الله ربي اللي عزنا مال احد منه والله يابنات وانا في الطياره واشوف بعض البنات الله يهديهم وانا كنت وحده منهم ما ازكي نفسي ماباقي الا ساعتين على الوصول شالوا عباياتهم والبسوا البناطيل والجاكيتات وفتشوا الوجه وووو وانتو عارفين الباقي والله احس انهم كشفوا عن جواهر مايستحق يشوفها الا اللي له حق فيها مو كل خم وطري على قولتهم وتعالي شوفي هالشباب اللي يتفرجون ببلاش والله احزني الموقف ودعيت لهم بالهدايه وشكرت ربي على ثباتي وفرحت لانه حسيت انه انا غير احس بقيمتي وبقيمة نفسي انه عزيزه ومصونه ويوم نزلت المطار وشفت بنات متحجبات يعني نقاب مغطين وجيههم ولابسين عبايه لا وفضفاضه بعد مو مبينه تفاصيل الجسم لانه الله موجود بكل مكان وربي امرنا بالستر في كل مكان يعني مو بس في السعوديه نعرف رب العالمين ووبرا الله المستعان ننسى انه في حسيب ورقيب
والله اني امشي واحس بفخر وكل ماشفت احد من الأجانب يطالعوني ويدققون النظر احس اني اوصل لهم مسج انه انا لابسه باقتناع واني انا راضيه ومبسوطه وراسي مرفوعه شعوووووووووووووور حلو مايوصف والله ماراح تحس فيه ولا تذوق حلاوته الا اللي تعرف قيمته الاسلام عزه وصيانه لكرامة المرأه يعني فرق بين لما كنت جايه اول مره وكاشفه وكل جالس يطالع ولاقيت تحرشات ومعاكسات خصوصا في شارع العرب والله اني الحين اذكر واقول يالله لهدرجه مرخصه نفسي للي يسوى واللي مايسوى!!!!!!!!!!!!!!! واشوف بناتهم وكل وحده مطلعه مفاتنها وهذا يغمز وهذا يتفرج ومستمتع بحق حرمه الله عليه؟؟؟
انا اول ماجيت وجلست يوم وارتحت جيت باطلع قال لي زوجي ماله داعي تلبسين نقاب تحجبي وبس ماله داعي تضايقت وقلت لا على لاقل بالبس لثمه تضايق شوي بس انا شددت على الموضوع وكنت متضايقه انه منعني من اني اتنقب ولما طلعنا شفت بنات كثير تخيلوا باكستانيات حجاب شرعي كامل وقلت لزوجي ماشاء اللهباكستانيات متحجبات احسن مني ما ارضاها لنفسي سكت مارد علي والله يابنات انهم متحجبات نقاب لا ونقاب يالله تبان بعضهم عيونهم ماشاء الله عليهم وهم مقيمين في بريطانيا حتى السواقه يسوقون متحجبات انبسطت وفرحت وحزنت في تفس الوقت انها احنا السعوديات اللي شرفنا رب العالمين ببيته العظيم نستهين بحقوق الله وطلعت مره ثانيه ونفس شي باللثمه ومو راضيه لحد ماجلست معاه واقنعته وقلت له ترضى لي ربي يعذبني بسبب تهاوني بالحجاب انا ما ارضى الا برضى العالمين انا ما اقدر على النار ان كنت تقدر واقوى مني الله يعينك بس انا والله ما اقدر تكفى طلبتك لاتمنعني من حقي وعزتي اقتنع بكلامي وقال خلاص البسي ولبسته وطلعت ورحت للمحلات ومشيت وتمشيت وانا بحجابي شامخه
ومااااااااااااااااااااااااااااااااال احد منه الله اللي عزني
جميل أن يفرح الإنسان لبعده عن الباطل وقربه من الحق والصواب ..
اثبتي حبيبتي وألحي على ربك بالدعاء لكِ بالثبات وأن يعين زوجك على معرفة الصواب ويعينك على التمسك بالحجاب بدلا من تثبيط همتك ...
لن أنساكِ حبيبتي وغاليتي وعزيزتي من دعائي ووالله إن فرحتي لكبيرة لعودة أختي المسلمة للخير ومعرفة الحق ..
كرري الدعاء الذي كان الرسول _ صلى الله عليه وآله وسلم _ يداوم على تكراه " يامثبت القلوب والأبصار ثبت قلبي على دينك "
فتشي عن أخطاء أخرى عندك وسارعي لتصويبها فالجميع يخطأ ولا عيب في ذلك بل العيب والخسران لمن أصر على الخطأ وكابر ..
لا تنسي شكر الله على نعمة الإسلام وأن يسر لكِ معرفة الحق واتباعه وأبعدكِ عن الباطل وأعانكِ على اجتنابه ..