الله الله شوفو ايش جايبه العصيدة البيضا بس ترى مهيب بيضا جربوها

يميمي العصيدة البيضا بس ترى مهيب بيضا

--------------------------------------------------------------------------------



بقول لكم اليوم على طريقة العصيدة البيضا وتر ى محد يعرف يسويها الااللي يعرف يسوي عصيدة التمر المهم نجي الى المقادير والطريقة :
نسوي حموس مثل حموس مجبوس الربيان واللوبا يعني نحط الزبدة والبصل والثوم وشوية ليمون اسود وبزار وطماط وشوية صلصل ونحط ربيان طري ونخلطه مع ربيان يابس تراه يحليه ويخننه
وطبعا لوبا حمر وشوية حبة البركة واللي يبي يحط حلبة واللي يخاف من الريحة مثلي مايحط ويكتفي بالحبة السودة تكفي وتعطي النكهة المطلوبة
بعد ماينحمسون ويستوي الربيان نمرقه بالماي بعدين نشيل نص مقدار المروق بلي فيه من الحموس والربيان ونخليه على جنب ونحط في الجدر طحين بر ونضربها بالمحركة طبعا نرفعها من النار ونضربها عدل مثل طريقة عصيدة التمر ونحاول نخليها شوي خشنة عشان ماتفصد بعدين نلايمها بالملاس مثل الكورة ونشقها على شكل (+)ونصب عليها بقية المروق ويكون طبعا حار واذا احتاج الامر نحط عليها شوي ماي حار ونحطها على النار ونصغر عليها حييل ونخليها تقريبا ساعة ونص بعدين ننزلها ونضربها بالمحركة عدل ماعدل لين ماينطحن كل شي فيها ويختلط
الحين خلاص استوت نسطعها في صحن مع شوية زبدة مذيوبة وممكن نمسحها بشوية دهن غنم تراه حلو فيها يهبل
وبالهناء والعافية يالله جربوها وعطونا رايكم ولا تحرمونا من دعوتكم وردودكم الطيبه