الله المستعان

يابنات انا تعبانه خففو عني واسوني
زوجي من النوع القاسي تعبت معه يغضب ويعصب لأتفه الاسباب لي عشر سنوات متزوجه وعندي ثلاث اولاد صرت عصبيه جاني قولون اعصابي تلفت مادري وش اسوي افكر كثير بالطلاق بس وين اروح ابوي مطلق امي ورامي همها وهم بناتها على اخوي الكبير الي تعبان بحياته وحرمته متسلطه عليه 
اناموظفه معلمه من يوم ماتزوجت وانا معلمه
بس انا الي انفق على نفسي وعلى عيالي 
واذا يبي يطلعني مشوار لازم ادفع سواء سوق او مطعم او سوبر ماركت مايدفع ولاريال
من غير الشقه الي ب12الف ودرايشها خشب وجدرانها متصدعه وبلاطها متكسر ودورات مياهها مافيها مراوح شفط والمطبخ صغير مره 
وصراصير وفيران حتى كيس الصامولي دخلت الفاره فيه وهو عادي لي ست سنوات وانا ابغى اطلع وهو رافض وش اسوي ردو علي ابنفجر
اقوله انا ادفع الآجار بس ابطلع يقول وش يضمن لي تخيلو ومرات اذا عصب يقول تموتين فيها
من غير الغيره الي زايده عن حدها قولو وش بقى
انصفوني يابنات تكفون ابي رأي وحده حكيمه 
استخير على الطلاق لانه بدا الحين يستهين في ويقول ماتفهمين عقلك وش فيه 
مادري وش بي جوني شغالتين وشردو 
ولي ست شهور ماعندي شغاله وباجيب الي بالساعه ورافض تخيلو المعانه بيت ووظيفه واطفال وغساله عاديه 😭
صارت بيني وبينه مشكله قبل فتره وعصب وجاب الشناط وعبى ملابسي فيها ورمى عباتي علي وقال قومي بيت اهلك
بس مارحت ماقدر اروح عجزت عن نفسي نفسي اهج بس مااقدر
بعدين اعتذر وقال انتي حرمه عاقله بعد ايش 
انا يابنات مجرد مايعتذر خلاص وانا من النوع الي احب اعيش ساعتي ماتحسر ولااحقد  
وش رأيكم كيف اتعامل معه 
فيه ميزه حلوه بعد يكره السفر لنا ست سنوات ماعتمرنا انا احياناً اروح مع اهلي
وفيه ميزه انه بيتوتي ومايرفض اذا بغيت سوق او اي مشوار ماعدا السفر
هي العصبيه حتى اذا جيت اكلمه بعد الزعل يدفني ويبعدني عنه ولاينهي المشكله بسهوله ودعواتكم لي الله يجزاكم خير🌺