الله المستعان الناس ايش جاها

السلام عليكم ورحمة الله وبركاته
الناس ايش جاها كل يوم يمر علينا يكون اسوا من الي قبله
إذا شفنا الناس واشغالهم نظن انهم مخلدين في الدنيا كبير صغير رجال نساء كلهم تفكيرهن فلوس معاد فيه قناعه
اه ياهزمن
يارب لاتعذبنا بما فعل السفها منا
قطع ارحام فساد حسد حتى على ثوبك يحسدونك
نفاق شفت بعيني وسمعت من يتحدث عن الدين وواقعه فسد وحسد الله المستعان الغيبه صارت في كل مجلس إلا مارحم ربي والناس تزعل ويستنكرون إذا قلتي لاتغتابين
.
وين نحصل احد سلم من الي ذكرت في هالزمن
بيننا وبين قبورنا عدة خطوات وكل يوم يمضي نتقدم خطوه
جدي الله يرحمه كان مريض بعمر 82 قبل وفاته بأسبوع كنت احب اخذ اي عظه او حكمه وقلت جد قول شي عن الدنيا قال ايامي التي مضت كأنها حلم طول السنين الي عشتها ، وكان عمري اسبوع
.
وصار يبكي قلت ايش يبكيك قال قبل 65 سنه مر علينا جوع وتتبعت غنم وسرقنا منها خروف وذبحناه واكلناه انا وواحد معي وسمعت راعيه دوره وماحصله وقال الي يروح بدنيا يجي بالاخره وماكنا نقدر نعلم اقل عقوبه الكي بنار بالنار بذاك الوقت
وكنا جهال ورجعت ادور صاحب الخروف بعد 20 سنه وماحصلته
وذبحت عن صاحبه من ذاك الوقت 22 خروف صدقه عنه ولازلت خايف من الحساب
.
مبالكم بالي مايحلل ولايحرم واخذ الدنيا جنه
ليتني عشت بزمن غير هالزمن