الله بسخر لها زوجها الي ترد علي انا عند اهلي

السلام عليكم ورحمه الله وبركاته


انا يابنات انا وزجي دايم مشاكل


لي 11 سنه متزوجه وعندي 4 ولدين وبنتين


اول زواجي اكتشفت انه له علاقه ببنات

وزعلت ورحت لاهلي


ورجعت له مره ثانيه ولاني كنت صغيره ماوقفته عند حده


المهم اغلب زعلنا انا وياه على السفر برا انا مابغاه يسافر لحاله برا



اول كان كل سنه يروح برا

لاكن له اربع سنين ماراح برا

وبالاخير


راح بشهر 2 هجري برا وكان يكذب علي قايل ابروح مع صديقي


واكتشفت انها لبنان

رايح هو وصديقه ولا عطاني مصروف

يخاف اذا سافر اطللع للاسواق هو مايبيني اروح اماكن عامه

المهم جاء من السفر

وكان قايل لي ابسافر بك برا للامارات بس يقول شفت زعله ورفض


يعني يكذب علي ولا يعطيني مصروف ويبين استقبله


انا ماعطينه وجهه وحقدت عليه ولا قلت ابي فلوس سبحان الله لتا يقول مامعي وهو

مايقصر شاري جوال له ب3000 ريال



اول هو ماكان يقصر معي بس اقتلب علي


المهم انا بديت اقوم بواجبه بكل شي بس كتاديه واجب لااكثر ولا اقل حتى الفراش


لانه معاملته لي تغيرت

يعني احس صديقه قالب راسه او بنات الحرام اللله لا يوفقهن دنيا واخره



وبعدين جت العطله الطويله وطلبت السفره وقلت ابي برا وهو رفض يقو ل اوديك لجده وانا مابي جده


يعني هو برا لبنااااااااااااااان وحنا لنا جده



وماياخذ من صديقه الا الشين والزين ماياخذه

صديقه جاء من لبنان وعلى طول سافر بزوجته برا

ا

خلاصه الموضوع

هو له 9 سنوات وهو حاط جواله رمز سري ماقدر افتحه

وله جوال ثاني


وانا اكتشفت الذاكره وشفتها كلها رسايل من بنات بس حاطه باسماء رجال ودقيت وردن علي البنات

ووحده منهن اعترفت انها لها علاقه معه وهي سوريه والباقي سعوديات



وغير كذا يابنات والله العظيم اماكذب انه 28 يوم حابسني بالبيت ماطلع بالاجازه حتى لاهلي عقاب لي

اني ماعامله زين



ولا يبين اروح اماكن عامه ولاحدايق ولا شي حتى لو مع اهلي وخلاتي



يبي بس استراحات وبيت اهلي واهله


وغير كذا هو يوميا باستراحته مع اصدقاه من اخر العصر الا 1 بالليلل وانا وعيالي محبوسه


خاصه الاجازه هذي ا


المهم انا يوم شفت ان الي بالذاكره كلهن بنات ماتحملت وتهاوشت انا وياه ورحت لاهلي



والحين انا عند اهلي لي شهر كااااااااااااااااااااااااااامل


ولا ادري عن عيالي لانهم عنده

ابيه يحس بالضغط الي شفته

وش رايكم يابنات


والله عندي كلام كثير بس كل هذا وانا مختصره