السلام عليكم ورحمة الله وبركاته
اكيد كلكم تعرضتوا لها الموقف او شفتوا ناس تعرضوا له بتقولون هذي تخربط وش تبي
بدخل لكم في الموضوع يجيك مثلا عمانك او خوالك او جيرانكم كل يوم عيالهم سيارة شكل وموديل جديد مايمر شهرين الا هم مغيرين طبعا انتي عادي عندك هذا عطا الله لهم واخوانك ياحياتي ماعندهم ونفس الشي اكيد يغارون بس مايحسدون تجيك مثلا جدتك او امك او خالتك يعني وحدة تحبكم وتبي لكم الخير وتقول والله اللي ابوهم مايقصر الله يرحم حال عييلنا ( لاحظوا الله يرحم حالهم ماتقول الله يصلحهم ويرزقهم عاجلا غير آجل ) طبعا انتي تسمعين وانتي منقهرة واخوانك ياحياتي ضاقت صدروهم حسوا ان الجميع مشفق عليهم ويقارنهم بغيرهم طبعا هم قصدهم يبينون انهم يحبونكم وهم في الاساس يوغرون صدوركم على من هم احسن منكم ( طبعا هذا مثل ولا ماعندي خوان كبار بس ضرب مثل )
المثل الثاني انتو ا بنات في ال24 25 يعين مو صغار وفي نفس الوقت مو كبااااااار المهم فيه بنات قرايبكم ناس مثلكم واكبر ماتزوجوا ( هذي العين ماتشوفهم )وفيه ناس بزارين كلهم اصغر لا العيال ولا البنات وماشاء الله خلال سنه اعرس منهم 3 شباب و5 بنات من العيله الشباب خذوا بنات في 19 20 و هم اكبرهم 24 والبنات كلهم اولى جامعة ماخذين ضباط توهم متخرجين طبعا انتي تدرين بالخبر مبروك ياحليلهم الله يرزقهم والله صغار والضحكة شاقة الوجه :42: يعني انتي اصلا عادي عندك لانك مومنه بان الرزق من عند الله واللي لك بيجيك تجيك وحدة ممن سبق ذكرهم وتقول( الله يرزقكم ماشاء الله عز الله ان امهاتهم دعياتن لهم الله يرزقكم بس ونبرة حزن او نظرة شفقة ) عاد تجين ترطبين الجو ( ادعي لنا ) ترد ( والله اني كل يوم ادعي ) ( طبعا الموقف حصل ماودي احلف لاكثر من 80 % من بنات اللي ماتزوجوا )
صراحة ناس تقهر
طيب السؤال وش تقولين لهم في هذي الحالة انا مرة قلت مايجوز هذا رزق قولي ماشاء الله طبعا عصبت اللي قلت لها وقالت ( اعوذ بالله اجل انا بنضل ياللي فيك مايخطيك :angry2: انا جالسة ادعي لك ) طبعا انا سكت ماعاد رديت :(
علامو علامو @aalamo_aalamo
محررة فضية
يلزم عليك تسجيل الدخول أولًا لكتابة تعليق.
صدقتي اختي
دايم اقول إذا انا اقنعت نفسي بنصيبي ورضيت وسلمت الأمر لله
وجوك اللي حولك ساخطين مستنكرين شفقانين
وش نسوي ساعتها !!!
صبر جميل والله المستعان
دايم اقول إذا انا اقنعت نفسي بنصيبي ورضيت وسلمت الأمر لله
وجوك اللي حولك ساخطين مستنكرين شفقانين
وش نسوي ساعتها !!!
صبر جميل والله المستعان
الحمدلله اللي عطاهم يعطي غيرهم وكل انسان عنده نعمة يعني ربي عطاهم السفر اعطاكي زوج محب ربي اعطاهم الفلوس اعطاكي عيال حلوين وهكذا
الصفحة الأخيرة
كثرت هذي العبارات بالمجتمع ..
وحتى في أوساط المتزوجات لما يسمعون أنه قريب لك سافرت أو اهداها زوجها مثلآ شيء حلو ..
على طووووووول يبدأ الحسد ..أيه هذول الحريم موب حنا ..!!
طيب هذي أرزاق بيد الرزاق ..
((أَمْ يَحْسُدُونَ النَّاسَ عَلَى مَا آتَاهُمُ اللّهُ مِن فَضْلِهِ))