الله عطاك الجمال اللي عليه النساء والله عطاني القصيد اللي عليه الكلام.

نبداء ب اسم الله
جميع انواع البشره جافه دهنيه مختلطه تحتاج تنظيف بشره عشان تشيلين الخلايا الميته ,الهارمه, طبعا نشيلها عشان لما نستخدم شيء يوصل بسرعه لطبقات بشرتك العميقه وتستفيد البشرهه منها
وبكيذا تبان النتيجه بوقت اسرع
يعني اول خطوه تنظيف بشره كل شهر ( احفظي موعد اليوم اللي سويتي فيه تنظيف بشره عشان المره الثانيه يكون بعد شهر بالظبط )
هو سهل ماله داعي التعيقد
قبل كل شيء شغلي اله بخار الوجهة ماعندك جيبي قدر عبيه موية وحطي شريحه ليمون او نعناع بابونج حطي غطاء
روحي جيبي تونر ( اسكنيول ماعندك اعصري ليمون ومسحي وجهك زي التونر )
حطي وجهك قدام البخار مو قريب حيل وحطي منشفه الين ماتحسين مسامات وجهك تفتحت مسحي وجهك من العرق وحطي قناع الحيلاتين (ظرف جيلاتين + شوية حليب ) حطيهم بالميكرويف
لايغلي لكن يذوب و افرديه على الوجهة كله مو بس منطقة التي زون خليه الين ماينشف تمام مهم لحد ما ينشف شيليه تكون مسامك مفتوحه من الحليب . حطي ماسك اللي تحبينه بس يكون مغذي
حنا بنحط ماسك الشوفان مغذي + مقشر
ملعقه زبادي ملعقه شوفان ملعقه عسل ممكن تزيدين زبادي اذا طلع ثقيل حيل خليه 10 دقايق الى ربع ساعه غسليه
و مرري ثلجه ( ثلج عندك انواع موية ورد لوحدها او مع دم الغزال او ثلج الشاي الاخضر )
حطي مرطبك المفضل انا استخدم QV
يلا الحين خلصنا من التنظيف نجيء حق المنتجات اللي تستخدمينها لعنايتك اليوميه
البشره الجافة
غسول المغذي من نيفيا اكوا سنسيشن للبشره الجافة ب Hydra IQ وزبدة الشيا جميل جميل جميل جدا
غسول نيفيا فيزاج حبيبات التقشير للبشره الجافة الى الحساسه اسمه غسول لطيف للبشره لونه وردي * جنتل فيس ووش*
عندك صابونة حليب اليوكو جميله كذلك وتبيض مع الوقت و غسول جونسون لطيف ومغذي
وعندك من قارنيه لونه وردي واسمه كريم تنظيف بالماء ومن سيتافيل للبشره الجافه للحساسة
خل اقولكم نقطه اختي بشرتها جافة من كثر الجفاف قام يطلع حبوب لها اختنا بالله استخدمت غسول من كلين اند كلير ومقشر يومي قومي يابشرتها صيري حمراء وقشور بيضاء وزادت الحبوب
ف هنا مهم تصنيف البشره ومهم تاخذين الغسول المناسب لان بعض الغسولات قوية وخصوصا حقت البشره الدهنيه
التونر بما ان بشرتك جافة لوو استخدمتي تونر احس بيزيد الجفاف ف بدليه ب تونر طبيعي
تونر قشور البرتقال والليمون ( قشور برتقال وليمون وموية كثير خليها تغلي خذي الموية لوحدها وخليها تبرد حطها بعلبه وهينا تونرك
او تونر الشاي الاخضر سويي شاي اخضر عادي بدون سكر اقسميه نصين نص اشربيه ونص خليه تونر لووول والاخير تونر موية الورد مايحتاج احكي عنه والميلك من قارينه
المرطبات من سيتافيل , من جونسون ، من QV ومن افالون ومن قارنيه نفس ماركه الغسول وكذلك من نيفيا اكواسنسيشن اللي بزبدة الشيا
* طالعت فوق وحست هذرتها واجد فابداء اختصر *
نجيء البشره الدهنيه بشرتي
اكيد اكيد مافي زي منتجات كلين اند كلير مالقيت زيها
ايام الدوامات استخدمي المجموعه البرتقاله او الخضراء افضل شيء انا اشتري المجموعه كاملة ولاتنسين اللصقات حقت الرووس السوداء
طيب تبين تخففينن الحبوب خففي الشوكلاتات المقالي الغازيات كثري موية
بما اننا ب عطلة عنايتك تكون غير سوي تونر المره ( منقوع المره مسحي وجهك فيه ثلاث مرات ) المره تعتبر مضاد حيوي فالحامل لاتستخدمه اللي تستخدم مضاد حيوي لاتستخدمه وتقدرين تستخدمين
اسكنيول الليمون بداله بليل والصبح غسلي بصابونه الكركم او البابايا او الكبريت بخي كل مامريتي من بخاخ موية الورد مرطبك من كلين اند كلير انا ما استخدم وقت العطله مع انو لازم مع انو لازم
البشره المختلطه محد فالبيت بشرته مختلطه الا امي الله يخليها لي
وتستخدم من اولاي المجموعه الكامله اللي لمحاربه علامات تقدمم السن وناويه تغيرها بس محتاره ايش اخذ لها من فيتشي او لوريال او مدري
بس عنايتك حاتكون بسيطه اللي لسى مو كبيره بالعمر صابونه البابايا الصبح والليل ومره فاليوم مسحي ب اسكنيول الليمون او تونر المره واهم شيء بخاخ موية الورد
والله يابنات احس هذرتي واجد وانا باقي ماجيت للجسم ولا شيء ببداء اختصر و اي سوال انا حاضره
نجيء للماسكات
ماسك الشوفان قلناه فوق تقدرين تستخدمين الزبادي لوحده او العسل لوحده لكل البشرات وحيل حلو يابنات
ماسك الخميره للبشره الدهنيه ل تضيق المسامات وتنظيف البشره (ملعقه طعام نشاء مذوب بفنجان ماء ورد . ملعقه خميره مذوبة ب حليب فاتر . عصير ليمونه من نقطتين ل اربع ) اذا حسيتي الخليط رخو
اضيفي دقيق
ماسك الانتعاش لكل البشرات اللي تبي تسترخي ( ملعقه زبادي . ملعقه عسل . ورقتين نعناع مطحونه ) ونفس الحكايه مع الدقيق
ماسك النشا كلنا نعرفه واسهل شيء ويناسب الحساسه اكثر شيء بس يتعبر لكل البشرات وغير كيذا بارد يعني بعد يوم حار اللللاه
( موية ورد مع نشاء ) وللكسوله موية ورد او موية عاديه وشوية موية ورد مع نشاء وحطيها على النار الين ماتثقل وحطيها ف علبه وحطيها بالثلاجه كلمازهقتي حطي مع الوقت بتلاحظين تفتيح الماسك
لمدة اسبوع بعدها ارميه
ماسك للبشره الدهنيه ملعقه عسل وملعقه عصير الليمون ومع الوقت بتخف الحبوب قبل جربي على جزء صغير من الوجهة عشان الليمون اذا عندك حساسيه منه ولا
ماسك الحليب والعسل ( ملعقه عسل و ملعقه حليب جاف ) حطيها على البشره ربع ساعه ثم ابدئي قشريه بحركه دائريه ( انا احب اكله )
ممكن نستخدم البيض لوحده بياض البيض للبشره الدهنيه و صفار البيض للبشره الجافه
اختاري اللي يناسبك اعتمديه ثلاث مرات بالاسبوع واختاري واحد ثاني مره بالاسبوع
انا عن نفسي ماسك النشاء ثلاث مرات بالاسبوع وماسك الشوفان ومرات ابدل الشوفان ب عسل وليمون مره وحده بالاسبوع
بنات انا بالوجهة ما احوس واجد لان الحمدلله وجهي تمام اذا طلعت حبوب استخدمت منقوع المره وكريمات ما اكثر
هو ايفا بي وايت لا رحت الدوام احطه ك بديل عن الاساس وبس عشان كيذا خبرتي بسيطه بالوجهة
ب اختصار جدولك كل يوم ( غسول تونر بخاخ موية الورد والغسول او الصابونه ) ثلاث مرات بالاسبوع خلطه و مرا مقشر ( كلين اند كلير للدهنيه او ستفيز
و طبيعي بالبيت اللي هو سكر وزيت زيتون مع ليمون للجافه او ستيفز تقدرين تغسلين وجهك ب صابونه وتخلين الرغوه باقي فيه وتحطين سكر وبحركه دائريه تفركينه ثم غسلي )بعدين ماسك المرة بالاسبوع
خلصنا من الوجهة

نجيء للجسم وهنا ام خبرتي تطلع
زي ما للوجهة تنظيف بشره زي ماللجسم حمام مغغربي ونفس فائدته بس هينا كل اسبوع يكون
عارفين كيف نسوي طبعا كثير بالمنتدى مواضيع تشرح سويي سيرش واختاري الطريقه اللي تعجبك وتقدرين عليها
حطي في بالك الجسم يحتاج ل ترطيب تقشير ثم ترطيب عشان يعطينا تفتيح مع الوقت بياض
الترطيب الاول من اللوشنات عندك كثير ماركات
فازلين الموحد للون بفيتامين بي جميل يفتح بس مو مرا يعطي نتيجه بسيطه
فازلين المرطب الكامل اللي لونه اصفر بالشوفان ترطيبه عميق اكثر شيء ناسبني واعتمده
فازلين الازرق بالكولاجين للستريتش مارك خفف لي كثير التشققات فازلين بزبده الكاكاو ما فادني بالعكس سمرني بس جاب نتيجه مع اختي وريحته تلعب بالنفس
نيفيا ب التوت وعرق السوس لحد الان استخدمه مايرطب ولحد الان ماشفت نتيجه و نيفيا الازرق بزيت اللوز جميل كذلك يرطب بعمق
جرجنز مقاوم لتجاعيد البشره استخدمه ل ايدي عشان سمار الشمس وجرجنز للرعايه الليله داومت عليه شهر كامل مافتح لي زي اللي ابيه بس جاب نتيجه حرام اظلمه جرجنز بالمسك ريحته تذوب
لوشن فيتامين سي ولوشن بابايا وعندك الزبدات من ذا بودي شوب
بعدين التقشير الحمام المغربي كفيل ب ذلك او ملح حليب اليوكو هذا مكملي صراحه جميل جميل و ج م ي ل
او خلطات التقشير
خلطه لوحده فالمنتدى نسيت اسمها وخلطتها صابون مغربي كريم كاب سنفره ستيفز نشاء ملح حليب يوكو حلسرين زيت لوز سدر و حنا وكركم غسلي جسمك بصابونه حطي الخلطه خليه ربع ساعه
وفركه باللليفه حركات دائريه واختميها بموية بارده
خلطه لندن نص علبه سنفره كاب نص كيس ملح اليوكو ملعقه كركم و ملعقتين نشاء اربع ملاعق حليب بودره غسلي جسمك بصابونه نشفيه وحطي الخلطه ربع ساعه ثم فركي بليفه وغسلي
كذلك السنفره الطبيعيه االلي هي زيت زيتون ملح او سكر وليمون او اذا عندك خلطه انا معتمده خلطه لندن تقشع السواد قشع
بعدين ترطيب بعد التقشير
يفضل ان يكون ترطيب عميق يعني خلطه زيوت او خلطه اللوشنات حقت عميقه جدا
او خلطه زبدة الشيا ل الحلا مي ب منتدانا
خلطة الزيوت اللي استخدمها زيت خروع للبشره زيت لوز حلو زيت جنين قمح الاصلي زيت الليمون زيت فيتامين الاي من 10 الى 12 حبه جلسرين
وطريقه حلوه اي لوشن تستخدمينه تضيفين له شوية خلطة زيوت
وقت الاستحمام انسي الشاور جل خصوصا المعطره تسبب التهابات للجهاز التناسلي
استبدليه ب صابونات طبيعيه افضلهم الغار يقشر ويفتح مع الاستمرار الكركم والبابايا بس تذوب بسرعه الكبريت اللي يعانون من حبوب للكتف الظهر وصابونه الطاووس وصابونه الجلسرين
الخلطه الصابونيه فيه انواع منها طبي واختاري
خلطة وقت الاستحمام للتفتيح
ملعقتين حنا توحد اللون مع الاستمرار ملعقه حليب جاف ملعقه ملح خشن ملعقتين سدر وملعقه النشا وموية ورد مخففه بموديه عاديه وحطيها على جسمك بعد التقشير
خلطه بعد الاستحمام للتفتيح جلسوليد مع لوز الحلو وجلسرين وليمون لكامل جسمك
طبععا قريت عن خلطه فيتامين سي ماعرف كيف استخدامها بس سمعت مدح عليها ولا مرا استخدمتها سويي سيرش اذا حابتها
معلومة قبل الحمام المغربي بيوم لاترطبين جسمك ابدا ابدا
انا راح اسوي حمام مغربي كل اسبوعين لاني من زمان اسوية اما اللي بتبداء تسويه من اليوم فالبدايه ح يكون كل اسبوع بعدين اسبوعين
للقدمين كل شهر مع تنظيف البشره خلي بوديكير لرجولك تلقين ب اليوتيوب وحده الله يجزاها خير ممنزله شرح كامل فيديو

وكل اسبوع تنقعين رجولك بموية وملح
كل شهر بعد الحمام المغربي بيوم تزيلين الشعر بالحلاوه وتستخدمين بعده زيت زيتون لتخفيف نمو الشعر
ااذا تبين تنحفين تمشين كل يوم ساعه اذا تبين تحافظين على وزنك تمشين ثلاث مرات بالاسبوع ساعه واذا فاضيه امشي حبيبتي يشرح الصدر وامشي واستغفري استغلي وقتك
بالنهايه
جدولي ح يكون (
الجمعه حمام مغربي مع خلطه وقت الاستخدام للتفتيح بعده خلطه زيوت للوجه مقشر الاسبوعي مع ماسك اللي مره بالاسبوع
السبت لوشن فازلين بالشوفان للوجهه عنايتي اليوميه العاديه
الاحد مشي ساعه و اغسل جسمي ب صابونه كركم عشان الحبوب بكتفي واحط لوشن الفازلين بالشوفان للوجهه ماسك الشوفان
الاثنين نفس السبت
الثلاثاء نفس الاحد
الاربعاء نفس السبت
الخميس بدون ترطيب ولا شيء وعنايتي اليوميه للوجهه
الجمعه خلطه لندن والباقي نفس الحمام المغربي ونفس عنايتي اليوميه ..
* واذا حابه تستخدمين دلكة مافيه احلى من دلكة التحدي ل مزعجه اتوقع *

و بكذا نكون خلصنا واحس مو ذا الموضوع اللي ابيه و اتمنى تستفيدون رغم اللخبطه بس اني دخت لان صارلي 6 ساعات اكتب
اي سؤال اي شيء مب واضح اي استفسار انا حاضره
واتمنى من كل قلبي تهتمين اي انثى لازم تهتم يعني تجيك وحده جميله ماشاءالله وتمد لك رجلها تلوع كبدك خرب منظرك كله حرام عليك اهتمي انتي انثى انتي جميله بس اهتمي واهم شيء نظافتك الشخصيه وريحتك هي عنوانك قبل شكلك
اللهم بارك لنا ف رمضان وبلغنا شعبان تقربيا خلص شهر شعبان عشان كذا اكون اول وحده واقول رمضان كريم

يعطيك العافية

يسلمووووو عسوووووله ..انا مستمره عالحمام المغربي ..بس بصراحه طفشت من لون ركابي والمؤخره لونهم بني وفيه حبوب كيف اتخلص منهم ..ابي تكون ركابي صافيه وفاتحه جداا !!اذا عندك خلطه او كريم يوحد لون جسمي اتمنى تفيديني لاني على وجه الزواج ابي البس الملابس وانا واثقه من نفسي واتدلع ببياضي ههههههههههه