الله على الظالم وحسبي الله ونعم الوكيل

صباح الخير اخواتي

مالي غير الله ثم انتو قلولي ويش اسوي مع انسان حطمني نعم حطمني تحطيم كامل اشعر بالياس والاستهانة والذل

ضاغط علي من كل النواحي وانا متحملة لي 8 سنوات واقول مو مشكلة لازم اوقف جنبه واشجعه انه نبني نفسنا خصوصا اننا نوينا نبي بيت باذن الله

ماطلب منه شي بصراحة استحي رغم اني مو موظفة لكن بشتغل بالتجارة وبحاول اوفر احتياجاتي

هو كل مشاف معاي اي مبلغ يقطع يده ويبطل يعطيني اي شي حتى للاولاد مايعطيني ياخواتي سافر الشهر الفات وترك لي مبلغ بسيط يدوب اقدر امشي فيه الشهر انا والاولاد من مصاريف مدارس واطفال وكانت ملكة اخويا وهو عارف قلتله طيب ابغى اشتري فستان قال مافي هذا الموجود دبري نفسك اضطريت اتسلف من الوالد عشان اجيب فستان ولمن جيت وعرف اني تسلفت منع عندي المصروف تماما حتى ريال واحد ميعطيني واذا طلبت منه تتوقعون كم يعطيني 10 ريال تخيلو والله العظيم 10 ريال لا وكمان مخصومة من المصروف الجاي جالسة اللي يطلعلي من تجارتي اسدد فيه الدين اللي علي رغم اني فهمة اهلي انه هو اللي بيسدده


وغير كدة من يوم متزوجت ماغيرت شي بالبيت وصدفة اتصلو علي صديقات لي مدة طويلة مشفتهم وقالو يبغو يزوروني اخذت من المبلغ اللي انا محوشته واشتريت اغراض بسيطة للبيت

ولمن جا قلتله نص علي ونص عليك لاني لو قلتله رجعلي المبلغ بيسويلي فضيحة فقلت اقصر الشر بهدلني قدام الشغالة وجلس يتريق علي ويستهزا والله بكيت بكى ماقول الا حسبي الله ونعم الوكيل

حاولت اتكلم معاه معطاني فرصة قلت له ايش الذنب اللي ارتكبته عشان تسوي معاي كدة هو موظف راتبه عالي مشاء الله واللي قهرني انه راح اخذ قرض من البنك عشان يجيب لامه طقم كنب ب17 الف ريال وغرفة نوم جديدة والله ريال منها ماحطه على بيته

اوكي امه على العين والراس وانا والله ماقول عليها شي هي طيبة لكن المشكلة فيه هو موفامه رغم اني حاولت اكلمها كم مرة تدافع عنه وتقول مافي زيه بالدنيا واحنا اخذناك عشان وعشان عاد امه ايش ابغى اخذ منها

انا ماعدت صحتي تستحمل المشاكل سرت اتعب وانهار بسرعة رغم ان عمري 27 سنة لكن احس صحتي كاني عمري 100 سنة

طولت عليكم مادري ايش الحل بنظركم سرت انام عند اولاد مايهتم اذا شافني ابكي مايراضيني عمرو مراضاني والله يعلم مني مقصرة بحقوقه كل مجلس معاي مكشر مايهتم بكلامي

الله يعين ادري انه الشكوى لغير الله مذلة لكن مو قادرة اكتم بصدري
اعطوني حل