الله كتبلي عمر الله لايحرمني منكن ولا من دعائكم

السلام عليكم ورحمة الله وبركاته

اول شي انا امس في الليل حاولت اني ادخل على المنتدى بس كان معلق من الضغط الله لايخلينا

منه بعدين فصل النت معاي شلكه كمبيوتري مسوي تدبيس بعد هههههههههههه

صدقوني اني احبكم في الله وكل من دعاء لي او فكر فيني الله يجزاه الف خير ويفرج عنه

والله اني اشكر الكل سواء بنات المنتدى الي كتبوا عني او دعوا لي او من بنات المنتدى الي

زاروني في المستشفى او الي اتصلوا علي الخير مازال واشكر كل من دعاء لي في الحج

كانت فرحتي كبيره لمن دريت ان البعض دعالي من الحجيج على جبل عرفه الله لايحرمني منكم

انا طلعت على مسؤؤليتي من المستشفى بس الحمدلله انا زينه الحين بعد كمن يوم بفك الغرز

الي في بطني انا دخلت العمليات يوم السبت 21\2\2004 وبعد خمس ساعات ونص طلعت من

من العمليه طلعت بس حرارتي ارتفعت وسوولي اشعه ملونه للمعده اكتشفوا ان الدكتور لمن

قص الشبكه خرق المعده من غير ما ينتبه فدخلت حالة خطر وانا مامر على العمليه الاولى

كم ساعة بس ورجعت عمليات مستعجله علشان يخيطون لمعده وجلست اربع ساعات صدقوني

اني اشوف واسمع كل من دعالي اهلي امي الغالية الي بكت لمن عيونها صارت ماتبين صديقاتي
طلعت من العمليات على العناية المركزه الشدده وجلست فيها كمن يوم بعد كذا تاكدوا ان كل

شي ممتاز الحمدلله وطلعت غرفتي وهناك كنت ارفع عيني للسماء واقول اشكرك يارب احمممدك
والحمدلله والشكر لله ولااله الا الله

الحين انا بين رجلي وبنتي اناظرهم وتفر دمعتي بعد ماكنت انسانه كلي ليات في البطن واجهزه

في الخشم والرقبة واليدين سبحانك يارب الله يغفر لي الي سويته واتمنى اني اكون لكم درس

ايه درس اعترف انكم لاتسون اي عمليه لو كنتوا ثلاثمية كيلو امسكوا رجيم وارموا توكلكم على

الله والنعم بالله تسلمون ياحبائي يالله عاد وش اخبار الرجيم خلنا نرجع لاني

خايفه وزني يزيد انا الحين 51 كيلو ومبسوطه بس لو زاد مالي طبعا الا منتدانا الغالي

والسلام عليكم