الله لايبلاكم بمثل حظي

السلام عليكم

ودي أفضفض ،،، طفشاااااااااااااانه موووووووت ،،،

القهر آكل قلبي على نفسي

والله إني طيبة وحبوبة ،،، بس ما أدري ما لي حظ بهالدنيا

والله اتمنى الموت ،،، إذا سمعت بأحد ميت ،،، أقول بخاطري يا حظه أرتاح ،، متى أرتاح ،،

قبل فترة رأيت رؤيا بالمنام واتصلت على مفسر مشهور في برنامج تلفزيوني قال لي أنتي عندك حظ واقف ،،،اطلبي من الصالحين يدعون لك ،، ومن قرادة الحظ صارت رؤيتي آخر وحده في البرنامج ما عطاني تفصيلات قال : الرؤيا تحتاج إلى تفصيل ووقت البرنامج انتهى ،،

تصدقون معي بكالوريس امتياز ودورة حاسب ستة أشهر امتياز وجالسه في البيت من سبع سنين من غير وظيفة ،، المشكلة أن الوالد _ الله يسامحه _ محسسني أني ثقيله عليه _ يلمح ويصرح يبيني أتوظف ،،، ولا يكلف نفسه يأخذ ملفي ويدور لي ، وإلا يستعين باحد من معارفه ،،بس هالبنت ما لها حظ ،، هذي كلمته ،، وأحياناً يقوم الدنيا كأن بيدي حل وإلا ربط
والله ما أسمع بوظيفة إلا طايره لها ، لكن الحظ عاثر ،،، حتى أقرب الناس لي ما يفكرون في حالتي ولا يفزعون لي

من الحظ العاثر عطيت أختي ملفي عشان زوجها يعرف واحد بيوظفني ،،، اخذ زوج أختي الملف وما أدري وين حطه فيه ، وبعدين يوم سمعت أن هذه الجهة بدأت التوظيف في القسم النسائي اتصلت عليهم قالوا انتهى التقديم ،، وأختي كلمت زوجها قال : نسيت أعطيه الملف (( شفتوا القهر )) ولا كلف نفسه يصلح غلطته

حالتي النفسية تدهورت ،، زرت ثلاث أطباء نفسيين في أكثر من مستشفى ،، ويقولون عندك اكتئاب ويصرفون لي علاج الاكتئاب ،،، لكن قلبي ما يطاوعني آكله ،، أخاف من عواقبها ،، وانا مو ناقصه هم

سبحان الله حتى موضوع الزواج متعسر ،،، ما أدري فيه ناس عيونهم فيني ،،، وإلا الحظ ،،، تخيلوا يجي واحد مناسب وتحصل الرؤيا الشرعية بحضور الأهل ،، ويطلع وأنا أسمعه من الشباك يقول إن شاء الله بنزوركم أنا والوالد ولا عاد نشوف وجهه ، ولا حتى يتصل يعتذر
وإلا ناس يقولون بنجيكم اليوم الفلاني وأستعد باللبس والمكياج والقهوة والحلى ،، ويطنشون ولا يجون ولا يتصلون يعتذرون ،،، وناس يجون وأدخل عليهم ( أم الخاطب وأخته) عاديييييييين جداً أنا أجمل منهم ( والله مو كبر أو غرور ) وأتوقع إني عجبتهم لكن يروحون ولا عاد يتصلون ،، وربي أنه فرق بيني وبينهم في الملامح واللو ن والشعر وكل شيء

الحمد لله على قضاءه وقدره ،،، اللهم زدني بك ثقة ويقينا وأربط على قلبي ،،وآجرني في مصيبتي وأخلفني خيراً منها ،،، اللهم أحيني ما علمت الحياة خيراً لي ،، وتوفني إن كانت الوفاة خيراً لي



آسفة كدرت مزاجكم بسواليفي ،،، بس ما عندي أحد أفضفض عليه <<<< طحت في كبودكم