ربنا يبرد ع قلبك ويشرح صدرك ويجعل امورك كلها سهالات ويفرج همك وينصرك عاى من ظلمك

طلاق اذا عدت العدة يصبح بائن يعني ماعاد تجوزين له الا اذا حللك الشيخ بسبب قوي زي مثلا انه طلقك وهو نايم ولا واقع تحت تهديد او او امور يعرفونها المشايخ
بعدين تعالي ترا غثيتينا ابغاه وابغاه هو طلقك مايبغاك انتي ورا ماتصحين على روحك وش ذا الهبل اللي انتي فيه اصحي ياماما لو يبغاك واحد فالميه كان ماعدت العده وهو ساكت كان حتى لو بيعاقبك اخر يوم من العده جاءورجعك كان ارسل كان لمح كان وكان يابنت الناس ارحمي نفسك والله ماحد نافعك لاهو ولاغيره لاجنيتي وصار بعقلك شي .استغفر الله ياربي وكل يوم موضوعين ثلاثه على نفس السالفه طلقني وابغاه وكيف ارجع له انا من كثر ماحزنت عليك تمنيت اجي اصحيك من اللي انتي فيه تراه رجل طلقك ماهو الجنه راحت منك وان راح يعني رجل بداله رجل وان ماتبغين تتزوجين ماهو شرط كم حرمه عايشه ملكه بلا زوج انكبي على صلاتك سجادتك وانعشي روحك بذكر الله يجمل الله الدنيا في نظرك حتى لو انتي لحالك اصلح الله حالك


سبحان الله والحمدلله

اما اذا كان سبب طلاقك منك يعني خطا قوي اقترفتيه في حقه او ذنب عظيم فاللي انتي فيه تأنيب ضمير ولاتقولين ليش تحكمين وتفترضين انتي خليتي الموضوع معلق مفتوح للافتراضات


سبحان الله والحمدلله

الله يفرج همك ماعندي علم ماحبيت اطلع ومادعيلك

جزاكم الله خير على الرد