قولي له خلاص بترك الوظيفه شووفي وش يقوول ...!<< لا تصدقين وتتركينها هدديه بس

الله يكون في عونك اهم شيء النقاااااااااش والهدوووء

وربي يفرجها عليك يااارب

والله لومكانك وهو مايعدل بيننا والله ما اعطيه راتبي وزوجته الأولى ماتدفع شي لأنها مو موظفه
المهم دافعي عن حقك وعن مالك

انا بصراحه مو متزوجه بس قلت لأمي عن سالفتك

تقولك , اصلا هو المفروض اللي يصرف عليك وراتبك لك انتي لحالك حتى بناتك اذا ماتبين تصرفين عليهن منتي مجبوره تصرفين , لأن ابوهن حي ويرزق

وزوجك دامه معتمد عليك بالمصروف صدقيني ماراح يستغني عنك وعن فلوسك , عطيه شلوتي واضربيه بعرض الحيط مصيره لك

انتبهي تسكتين عن حقك

>>>احس اني امي تهورت يوم قالت : اضربيه بعرض الحيط وعطيه شلوتي :hahaha:

بس اقسم بالله من القهر قالت كذا , كيف تسمحين لنفسك انك تعيشين حالك وتعيشين بناتك بهالعيشه

خليه يولي لا تعطينه فلس

حرام تصرفين عليه وعلى زوجته وهو متزوج عليج


يا اختي اتقي الله بنفسج طول اليوم بالدوام وعندج بنت معاقه هي اولى برعايتج وفلوسج وبالاخر الراتب له ولزوجته وولده وانتي مالك غير القهر والحرمان ....... حرام وعيب الزوج يمد ايده على مال زوجته المفروض هو يصرف عليج وعليها مو انتي تتركين بيتج وبناتج وتهملين صحتج والراتب للغير يتهنون به


اسمحيلي شخصيتج غير سويه وبناتج لما يكبرون بيحاسبونج على هالتنازل


احسبي حساب انه بكره زوجته تسبب لج مشاكل ويطلقج ....... وين بتروحين ؟


راتبج اشتري فيه ارض وابنيها بالتقسيط كضمان زوجج هذا يبان من اوله مصلحجي ومادي ولئيم وماعنده نخوة الرجال


الحقي على باقي حقج ولاتعطينه ريال واحد واذا منعج من الوظيفه احسن ...... ارتاحي مثل زوجته واعتني ببناتج وصحتج وهو


ملزوم غصبن عنه يصرف عليج زي مايصرف عليها. ترى والله بتندمين حيث ماينفع الندم