الله لايحرمها طعم السعاده اللي ترد علي ؟؟؟؟؟؟؟

الله يوفقك اختي ويخليها عزيمه تاخذ العقل
الافضل لك والاريح انك تخلينه في استراحه ارتب واوسع طبعا تشيكي عليها قبل ماتاخذينها
احجزي لك بوفيه شامل اريح لك واوجه
زهبي ترامس الشاي والقهوه وعدتهن من اطقم كاسات وفناجيل
اشتري مناديل السفره الي تجي الوان حلوه وخلي السفره من البلاستيك القوي الي يجي فيه الوان ورسومات .
مممممممممممممممممممم هذا الي يحضرني واتمنى اني افدتك ولو انه كله معروف .
والله يعينك ويسهل امرك .

مشكووووووره على ردك الله يخليك ويجعله في موازين حسناتك ولا يحرمك من طعم السعاده
بس صراااااحه رأيي إني أسوي لهم من إيدي وأذوقهم طبخي لأنها أول مره بعزم السلايف الجدد فنفسي أبز بطبخي عندهم على الرغم أن فكرتك حلوه نسوي بوفيه وبصراحه فكرتك المناديل الملونه رووعه وان شاء الله بسويها
ماقصرتي ياأم عصوووووووووومي
وين باقي البنات وين همتكم وأفكاركم ؟؟؟؟

مثل ما قالت ام عصومي
لكن ريحي حالك من ترامس القهوة والشاهي وجيبي لك قهوجية
وبحسب ميزانيتك اذا تجيبين صبابات او انت وخواتك او خوات زوجك تقومون بالصب

جهزي طاولة ورتبي فيها سلال او صناديق للعلك واللبان والبولو ورتبي بجنبها اشرطة ومطوية صغيرة
ومثل ما قلت لك اذا الميزانيه ممتازة للعزيمة
اشتري من ابو ريالين اكياس من قماش الاورجنزا وحطي الشريط والمطوية فيها

وممكن تطرحين ((لعبة ومسابقة في نفس الوقت))
سوتها وحدة من قرايبي
فكرة مرررررره ممتازة وممتعة ومفيدة

تجيب مواقف تخص المراة في امور دينها وتسال عن الحكم في هذه الحالة
وتشوفين الحريم يتنافسون ويقولون ارائهم

وبعض الحريم يكتشفون الخطا اللي يرتكبونه
مثل ما قلت انها امور دينيه تتعلق بالطهارة والاغتسال والصلاة
اسئلة خفيفة وتمر على كل الفئات كبيرة وصغيرة وحتى الكبيرة في السن

وبتاخذين اجر

لان كثير من الحريم يجهلون احكان مهمة

وووووووووووووش بعد

حطي اكياس وارقام للعبايات ومسكيها بنات في 15 من عمرهم فاهمات وتمونين عليهم

ووووووووووووووبس هذا اللي في بالي

توي اشوف ردك انك تبغين تطبخين
ماشاء الله هذي المره السنعة

شوفي فيه اطباق ماتتاثر اذا جهزتيها قبل بوقت وفرزتيها
وفي سلطات ما تتاثر قبل بيوم
وخلي يوم العزيمه الاطباق الساخنة

وشوفي الحريم يحبون المقبلات اكثر شي وهي اسهل لانك بتجهزين اغلبها قبل بيوم
شكلي من السلطات والورق العنب فيه معلبات ما كانها معلبة لذيييييييذة مرة

وحطي عصير كوكتيل طبقات وزينيه بشرائح فواكهه

انت وابداعاتك
اشوف اني قلبت الرد طبخ

لودخلت ايضا قسم ساعدوني
هناك فرقات اسلاميه تقوم بعمل مسابقات على أناشيد
طالما توهم عرايس ...
هذا اذا كنت عازمة ناس واجديين ...

اما اذا هي مقتصرة على العائله (هذا وأنت تفكرين تطبخين بنفسك )
فرتبي المسابقات من عندك ...

لو توزعين اكياس هدايا تحتوي على اشرطه على عطور مركزة (او دهن عود ...او اي شئ مناسب )
الاشرطه مثل
اشرطة مازن الفريح للمتزوجات (في غرفة النوم ....سري للغايه ..هام جدا ..مع اني ما سمعتهم الا أن الكثير يمدحهم )
او اشرطة جاسم المطوع ........

اما اذا طبخت بنفسك ..فيالله تطبخين مقدار ذبحتين أذا هي عزيمة عاديه
اما بوفيه فما عندي اي فكره ( لأنها تحتاج تدبير من بدري )

والله يوفقك

أهم شئ تتركين اثر طيب ..وفائده تنالينها في الدنيا والاخره