الله لايحوجنا لهم

صباح الخير/ مساء الخير
كيف حالكم صبايا ان شاء الله بخير
انا حطيت الموضوع كنصيحه من احت تخاف عليكم سواء للمتزوجات او للصبايا البنوتات
اللحين غالبية البيوت فيها خدم هذي اذا مو كلها واللحين طلعت موضه جديد الوحده مايمدي يجيها بزر الا نقزت وقالت ابي خدامه ويالله من فضلك تجي الخدامه ويجي معها السمنه والشحوم المكدسه على جسم المدام وفوق هذا صارت موضه الخدامات الاندونساي يعععععععععععععععع موضه قديمه اللحين فلبينيات تجيك بنوته تهبل ويقولون رجالنا ليش طايره عيونهم بهالشغالات وياليت بيتها كبير تلقينه كنه جحر مو بيت بسم الله كل مارحت لمكان بالبيت لقيتي الخدامه بوجهك من صغر البيت حتى اللي بيتها دور
اللحين خلصنا جت الخدامه وعينا من الله خير يقول الرجال غسلي ملابسي تنادي العمه نفرض ان اسم الشغاله (ميري) المدام ميري تعالي غسلي ملابس بابا قدام الرجال وتجيك تاخذ ملابسه الداخليه وتحطها بسبت الغسيل ويالله يالشغاله غسليها بالله ماتستحي اللي تسوي كذا عيب اذا غسلت ملابس زوجك الداخليه كنها شافت عورته عيب ماراح يضرك ولا ينقص من شحومك لو قمت وغسلتيها دقيقتين الا خلصتي هضمنا الثياب ان يبيلها وحده رايقه قلنا ما يخالف تغسلها الشغاله بس الملابس الداخليه ليش الادميه ماعندها احساسا شهوه وتقولون ليش خدمنا عيونهم طايره على الرجال

ولالا والاردى من كذا وضع لما تكون المدام توها امس سهرانه اهي ورجلها فهمتو قصدي ولين قامت الصبح نادت الخدامه شيلي المفرش يؤ يؤ يؤ يؤ يؤ :35: يا خزياه تشوف بقايا سهرتكم والله عيب
ولا الاردى لما تدخل الخدامه وتلقى قميص النوم وملابس ابو الشباب مرميه بالارض او على السرير والخدامه تدري ان امس سهرانين لان تكون الاثار مبينه بالله ماتستحي ماتخاف من العين العين حق ليش الخدامات مالهم عيون





يا نسا ءحواء انا ما قلت لاتجيبون شغالات ولا قلت هزئة اللي تجيب انتقد سلوكيات بعانا جالسه
والا لماتجي المدام وتقول للخدامه تعالي ليفي جسمي اونا اتحمم والا لما تدخل الخدامه وتلقى ملابس الرجال بالحمام او تجي تغسل بقايا الرجال والله عيب

اللحين اغلب البيوت لها مدخال مكون من حمام وغرفه طيب ليش ماتخلين الخدامه ماتدخل جناحك وانتي تنظفينه غرفتك وحمامك وملابس زوجك وقمصان النوم حقتك وملابسك الداخليه من جد احس اللي تسوي كذا قليلة حياء ومافيها جنس الادب
والا لما كل ماطلبها زوجها شيء قدام الرجال تنادي الخدامه وتقول سوي كذا
والا تلقينها تدخلها الغرفه النوم حقتها وقمصان النوم منتثره او بالدولاب الاول كنها تعرضها او يكون عندها ثلاجه بغرفتها وحاطه فيها الاشياء الخاصه بها حبوب حمل اغراض لزوجها غسول جل اي شيء وتقول للخدامه جيبي كذا من الثلاجه
او تجي للخدامه وتقول لها كل يوم ذكريني بحبوب الحمل او تدخلها غرفتها وتقول لها شيلي جسمي من الشعر

ياربي احس ارتفع ضغطي وانا اكتي لاتقولن مانسوي كذا فيه كثير نساء من هالنوعيه
اسحوا ياحريم عيب ماله داعي مايمديك تحملين الا يالله ابي خدامه من كبر بيتك حتى لو بيتك كبير حتى لو انك موظفه اعتبري وقت دوامك انك نايمه وصحيتي نظفي بالليل اذا دوامك صباحي الله يخلي لن االاكل المفرزن فرزني الصواني والحلا والاكلات وقدر الظغط استعمليه نصف ساعه الا الاكل جاهز وعوضي زوجك بالعطل الاسبوعيه باكل سنع
وتقولون ليش رجالنا ينحاشون لانه يشوف وحده غريبه اهي اللي تخدمه بدل ما تكون زوجته اذا تقولين مافيه وقت تعاملي مع خدامات باليومي يوم ورى يوم تجي تغسل وتنظف وتكنس حتى لو اغلى ما يخالف موظفه وقادره تدفعين زيادة ميتين ريال الاكل المفرزن كل مارحتي لاهلك خذي اغراض الطبخات واعطي شغالة اهلك فلوس وخليها تطبخ وتسوي لك وفرزنيها
صح والا لا
اللحين خلصت من امتزوجات نبدا بالبنات العزابيات
مو عيب شغالتكم تغسل ملابس خوانك وابوك الداخليه او تدخل على اخوك وابوك بالغدا موب ضارك يا مال الل منيب قايله لو شلتي الصينيه ودخلتيها
او غسلتي ملابسك الداخليه ونظفتي غرفتك ووقفتي عند راسها واهي تنظف غرف خوانك


انا امي علمتنا كذا انا وخواتي غرفتي وغرفة خواتي وامي بجناح خاص ومعها الحمام مستحيل الخدامه تدخله لو ايش احنا ننظف وفي الحمام غساله خاصه غير غساله الملابس الكبيره اللي بغرفة الغسيل نغسل فيها اذا سهرنا ملابسنا وملابس اخواني وننشرها بمنشار بغرفه صغيره داخل الجناح واذا قمنا الصبح كويناها ووديناها غرفهم واهي تنظف الغرفه انا فوق راسها اجيب المجله واجلس على كرسي بالغرفه واهي تنظف عندي غرف خواني وكل شوي اناظرها حتى اللحين تعودت لين جت نظف تناديني والحمام الخوان الشباب ادخل قبلها اشيل ملابسهم واحطها بسبت غسيل اطلع الثياب والبدل واخلي ملابس داخليه ووديها الجناح والباقي تغسله
والا تغسل ملابسك وفيها الدوره مبقعه كثير بنات اعرفهم تخلي الشغاله تغسل كلوتاتها وععععععععععع قرف ميب ادميه الشغاله
عيب يا حريم استحو ا ترى النعم زواله اللي بيتها مو كبير فله ليش الشغاله الله لا يحوجنا لهم


اللي عندها كلمه زينه تقولها واللي ماعندها تسكت احسن ترى الله يحاسبك على كل كلمه تكتبينها فارعي الله بكتاباتك




يا نساء حواء انا ما قلت لاتجيبون خدم وش دخلني اصلا فيكم انا جالسه انتقد سلوكيات بعض النساء وتقولون لاتسبين ولاتجرحين بالله عليكم اللي تسوي هالتصرفات تستاهل مو التهزيء الا ودي اضربها وش تبوني اسوي لها اصفق لها واقول لها برافوا انك تخلين خدامتك تنظف ملابسك الداخليه ووووووو الحمد لله ان اغلب اللي يدخل الموضوع يرد نفس ردي انها سلوكيات غلط وقلة حياء بالعاميه وانا ماجبت هالسوالف والمواقف من بالي انا جبتها من واقع حياتي وحياة صديقاتي وعن سلوكيات اسمع انو فيه نساء تسويها
اتنمى انكم ما تشيلون بقلبكم علي وخذوا الموضوع برحابة صدر ولولا غيرتي عليكم وحب فيكم مانصحتكم وفيه ناس ماتسمع النصيحه الا لما توخذ مواقفه بسخريه تحسس مشاعرها وتجرحها تنتبه لنفسها ولتصرفاتها والله لو من خوفي على بيوتكم مانصحتكم ولا ليش اتعب نفسي واكتب الا من القهر اللي انا اشوفه
وانا متاكده ان ماشاء الله نساء منتدى حواء فيهم الخير والبركه وماتوقع يسوونها الا ماندر