دايم يابنات كنت أسمع بإن الحريم شديدات وإذا مسكوا إدارة
يستقعدون لبعض ويدورون الزلات
إلا من رحم الله
إلا من رحم الله
إلا البعض ممن رحم الله .. كررتها عشان ماتقولون أعمم
المهم يالغاليات كان مديرنا رجال طيب متعاون ومتفهم أوضاع البنات
جاتنا مديرة جديدة على بداية أزمة كورونا .. حسبي الله هو نعم الوكيل
صرنا نداوم منكدين ونرجع نصيح
ماغير نتحيسب عليها
تخيلوا عندنا وحدة زوجها شديد مرررة ومايرضى تداوم مسائي
والكل كان متفهم الوضع ونغطي عنها وراضيين
اليوم جات أجبرتها تداوم الأسبوع الجاي مساء
والبنت ماغير تصيح لأنها لو تغيب بينخصم من رانبها
غير الإستقعاد ع الوقت وع أوقات الصلاة والغداء
اللي عندهم أطفال رضع أو إحتياجات خاصة .. مناشبتهم في الساعة اللي أعطتهم إياها الحكومة
متخيلين كيف صارت نفسياتنا نداوم متنكدين ومتضايقين
والله ماكنا نشيل هم أبد ونساند بعض ونغطي على بعض والشغل من أحسن مايكون
جات وحاست الدنيا ولعبت بنفسياتنا ..
حسبي الله هو نعم الوكيل عليها
ادعوا الله إن يصرفها عنا من غير شر ويرزقها مكان أفضل ويرزقنا مديرة أحسن .
ويصبرنا عليها لين تفرج 😭🙏
مرام الوقت @mram_alokt
عضوة فعالة
يلزم عليك تسجيل الدخول أولًا لكتابة تعليق.
حوريه 💚
•
صادقه والله بعضهم أعوذ بالله ماكأنها من النساء مثلها مثلنا المفروض تكون متفههممه أكثر من الرجل وعارفه طبيعة حياتنا ومسؤولياتنا وعيالنا ماقول إلا المستعان بعضهم ودك صدق من قتلها من كثر تسلطها وشدتها تحسب كذا إنها برافوا وشاطره وماسكه منصب كويس وبعضهم معقده خلقه ف تطلع عقدها النفسيه على الموظفات 🙄🙄💔💔
منيـــرة
•
غالبا المرا تعتبر الموظفة تتدلع وتقيسهم على ظروفها وقدراتها وان دام هي قدرت توصل لازم كل الناس يسوون نفسها
عكس الريال يتعاطف ويحس انه اقوى منها وانها ضعيفة اما المرا تبي كل النسوان اقويا نفسها
عكس الريال يتعاطف ويحس انه اقوى منها وانها ضعيفة اما المرا تبي كل النسوان اقويا نفسها
الصفحة الأخيرة