الله لايـبـيــن غلاه

السلام عليكم ورحمة الله وبركاته
حصل معي موقف قبل امس , علمني وش معنى كلمة الله لايوريني غلاك :44:
رحنا مهرجان الخيمه وكان فيه فالبدايه حوش فيه العاب وكشكات يبيعون فيها ذره وفشار ومدري وش ..
وبعدين خيمه فيها الملابس والمفارش والعطور وكل شي ..
المهم عيالي طلعو برا فالحوش وانا وابوهم فالخيمه بعد شويه سمعنا صراخ وكل الناس تعدي (تركض)
والحريم صارو كأنهم بات مانات والرجال يقولون بشويش بشويش مافيه شي اي يحاولون تهدئة الوضع :39:
وشويه الا الدخان مالي المكان والناس يقولون حريقه حريقه
وانا اقول الحمد لله ان عيالي برا واحط رجلي مع الناس واروح الحوش ادور عيالي مالقيتهم مهم فيه :icon33:
واجلس اصيح وارجع للخيمه وزوجي يحاول يمنعني
قال زوجي تعالي يمكن انهم برا بندور زين قلت اذا كانو برا ماعليهم خطر انا بروح جوا ادورهم
واروح بدخل والحارس يحاول يمنعني وانا مااشوف ولااسمع :icon33: وادخل وسط الدخان واناديهم :icon33:
والناس كلن يجري جري بيطلع برا وانا داخله للنار برجولي ولاهمني ولاخفت ولافكرت
المهم واسمع صوتهم عند الباب ينادون ماما ماما ويبكون :icon33:
واروح جري لهم واضمهم وانا اصيح وهم يصيحون قلت انتو وينكم ؟؟؟ قالو سمعنا الناس يقولون حريقه جوا ودخلنا ندورك والرجال طلعنا ووقفنا عند الباب نناديك :icon33:اااااه ياقلبي بس
وولدي الصغير يقول والله ياماما اني رميت الكرسبي عشان خايف عليك << شكله متحسف عليه ههههه
المهم بعد ماروقنا زوجي يسألني لو انا اللي كنت جوا الحريقه بتدخلين ؟؟
قلت اكيييد الله لايوريك غلاك
قال ايه هين والله الظاهر لاشفتيني طلعت تقولين يهب مايموت :mad:<< يمزح طبعا
عاد انا فقلبي احيانا اقول شكلي لو كان زوجي هو الي جوا ماادخل بس اجلس برا وابكي وادعي
واحيانا اقول الا ادخل مدري مدري
انتو وش رايكم لو زوجك هو اللي جوا تدخلين ؟؟؟