الله لايوريكم اللي صار لي امس
انا الدورة متاخرة علي اربعين يوم تقريبا وجسمي كله يعورني وتعبانة مره الحمد لله بس قلت مو مشكله الحمد لله حمل وعلمت امي وخالتي وفرحت وزوجي فرح قلت مو مشكله التعب اذا ربي :04:
بيعوضني بطفل بس المشكله تعبي راح كذا عالفاضي رحت امس
للمستشفى طبعا بعد ماسويت تحليل البول قبل فترة ومابان وجاني احباط طبعا العيادة زحمة وجلست انتظر امكن 3
ساعات ومليت من القعدة وزوجي بعد تعب ومل من الجلوس ودخلوني بالأخير والدكتورة خلاص بتطلع المهم دخلتني الدكتورة وحكيت لها السالفة
:44:
وسبحان الله حتى اعراض الوحام حسيت فيها بس مدري وهم او ايش قامت الدكتورة قالت لي روحي سوي تحليل رحت
سويت تحليل وهنا جات الصدمة وخز ابرة بدون فائدة قالت سلبي بس اللي انا استغربت له انه طلع بخمس دقايق احسهم
صرفوني الله يسامحهم في تحليل يطلع بخمس دقايق وقالت انتي مو حامل واعطيت زوجي الورقة وانا زعلانه يوم طلعت
للدكتورة قالت انتي عندك هرمون حليب وبعطيك حبوب تنزل الدورة مدري كلامها ما اقنعني بس قالت تعالي بعد يومين
عشان اكتب لك الحبوب بس انا مدري خايفة اكون حامل والحبوب تضر جنيني
اعطوني ارائكم ؟؟؟ المهم بكمل السالفة ابي افضفض متضايقة مره :icon33:
المهم ركبت السيارة وزوجي يهاوش ويهزئ فيني وانا بس ابكي يقول اتعبتينا عالفاضي وانا هنا جاني انهيار اقول ليش
ماتقدر مشاعري وبعد شوي ماحسيت بللي حولي دخت على زوجي
وزوجي قام يكفخ فيني يا بنت الناس وش فيك قومي قومي
بعدها صحيت وعطاني عصير وانا على الكرسي وحاولت اصحصح ماحست بللي حولي من الصدمة وبعدها تكلني عشان
اطلع للشقة حيلي مو شايلني بس اعتقد اني حساسة واكبر الأمور :mad:
بس امي وخالتي واللي عرفو بحملي وش اقولهم وشلون بناظر فيهم ارجوكم ابيكم توقفو معاي واللي بتجرحني بكلام ربي حسيبها
وشكرا
بس سؤالي الأساسي حبوب تنزيل الدورة تضر الجنين لو كان فيه اولا خايفة تضر ؟؟؟
في امان الله .
عروسة شهر عشرة @aaros_shhr_aashr
محررة ماسية
يلزم عليك تسجيل الدخول أولًا لكتابة تعليق.
اذا تقدرين رووحي لدكتوره ثاانيه .عشان تتطمني اكثرر .
وربي يرررزقني واياك الحمل الثابت
وربي يرررزقني واياك الحمل الثابت
ام رها
•
اذا رحتي للمستوصف سوي تحليل دم للحمل لا تنتظرين دكتورة ولا موعد -اذا تاكدتي من حملك خذي عقبها موعد -وبعدين سالفة التحليل في 5 دقايق ماتدخل العقل وين هالمركز -
الصفحة الأخيرة
من كلامك مدري احس لو تراجعين مستشفى ثاني احسن لك ومنها تتطمنين اذا انتى حامل او لا لانه فعلا تحليل بخمس دقايق غريبه
اهم شي المستشفى الثاني اللي بتروحين له لا تقولين لهم السالفه كانك تسوين تحليل لان الدوره تاخرت وخلاص ومو لازم تنتظرين الدكتوره ممكن تاخذين نتيجة التحليل من التلفون هو بس تحليل دم وخلاص بيبين اذا فيه حمل او لا وفيه بعد تحليل ادق اللى هو الرقمي نفس الشي عن طريق الدم وربي يسهل امرك ويريح خاطرك يارب