السلام عليكم ورحمة الله
أكتب لكم اليوم وأنا منقهــــررررررررة ...
اسمعوا القصة واحكموا:
حنا مجموعة بنات أنا أصغرهم ,كلهم متزوجات , اختي الأكبر مني مرررة حقود وحسود من صغرنا ,مانسيت مرة كنت ببيتها عندها أهل زوجها جايينها زيارة وكنت لابسة حلو وأنا الحمدلله جميلة من صغري بس مالي حظ سبحان الله , المهم يوم شافتني ذاك اليوم ببيتها كنا واقفين أنا وياها بالمطبخ وتجي وتعطيني كف على وجهي ليييييه؟تقول هلحين أهلنا يقولون أجمل منك , وكأنها تقول ليه تجين مع أهلي مابغاك !! كنت ذاك الوقت صغيرة ولا أعرف أتصرف وندمت ماطلعت منها ذيك الساعة ورجعت للبيت عشان تدري إني أحس , هذا بس موقف من مواقفها , من صغرنا وإحنا عارفينها كل أهلي شيطانة بصورة إنسان توقعي منها اي شئ ماتخاف ربها
امي جتها جلطة قبل 4سنين تقريبا واختي هذي مازالت شغالة بحسدها حتى بأسوأ المواقف ,كنا أنا وخواتي بكفة نخاف على امي ونداريها بعد طلوعها من المستشفى ولانبي نزعلها وهي ماكأنها بنتها , تتصل علينا كنا بالرياض عند اختي بعد طلوعنا من المستشفى تتصل مرة تخانق مع امي لموضوع تافه أو قديم,وأيـــام طويييلة تنطشها ولاتحاول تسأل عنها طبعا امي كانت يضيق صدرهاوتأزم نفسيتها من تطنيشاتها ومعاملتها الزفت #
ختي هذي مافي نعمة إلا الله أنعمها عليها عندها 6أولاد أكبرهم رجال بثالث ثانوي,زوجها مرة حبوب ولايرفض لها طلب زي الخاتم باصبعها ,امي وابوي مرة مدللينها خاصة ابوي مرة يحبها ويميزها عنا ولايضحك ولايسولف لين تدخل علينا (عاد متى تشرف وتتنزل لزيارة امي وابوي)
المهم بعد ما طلعنا من المستشفى وقعدنا بس لفترة بالرياض وزادت حركاتها السخيفة بتقهر امي وتشب ابوي عليها وعلي أنا ليه ماتجي هند ليه عندها مالها داعي لين فعلا نفذ ابوي أمرها ورجعت وخليت امي عند اختي مع إني أنا ألي أقوم بخدمة امي وأعطيها علاجها وأمسك يدها واختي ماتقصر بس مشغولة مع أطفالها وزوجها ,رجعت وتخانقت مع اختي المدللة - الحسودة- وأقسمت يمين بالله إن مالزمت حدك وكفيتي شرك عن امي وعني لأتصل بزوجك أو بعمتكم وأقولها كل حركاتك , طبعا هي انجنت لأنها تظهر بصورة الملاك عند أهل زوجها , بعد هاليمين كفت شرها أيام ورجعت , طبعا شوشرت الجو وقعدت تبكي عند ابوي إنها مظلومة مع إن ابوي عارف حركاتها بس للأسف وقف معاها ضدي ولأنها قويه خافوا منها كلهم اخواني العيال والبنات بس أنا خلاص فاض بي عجزت أتحمل أذاها ولقيت نفسي بس أنا أواجهها والبقية متكتفين مع إنهم يقطعون جلدها بغيابها ومو راضين عنها . بس صرت الحالي بوجهها وهي ماتنطح لعدم خوفها من الله بتصرفاتها ومن يومها وحنا علاقتنا من سئ لأسوأ , حطتني براسها وبدت تحاول تشوه سمعتي وأهلي يدرون بس ماحركوا ساكن بدت تحرض أولادها الكبير تقول اضربها وهي تفرج عليه وتشجعه وأقوم عليه وأصفقه وهو رجال وقسم بالله قعد يصيح كأنه بنت وعقبها تجنبني , عيالها يجدعون علي كلمات مثل يالعانس بكرة بترمين بدار العجزة لأنها مغترة بنعمة الله عليها , صبرت وتحملت منها ماالله به عليم , مرت بي أيام كانت امي تعبانة وشبه عاجزة أنا ألي أخدمها أستقبل الضيوف يوميا من بعد العصر إلى الليل أسوي العشا ,ماوقف معاي ولا وحدة مع إن امي ام لستة ,والله العظيم تعبت تعب نفسيا وجسديا ولا أحد حاس فيني ,أذكر هنا مرة قالوا أهل زوج اختي هذي بيجون يشوفون امي طبعا عن طريق اختي وتجيك الصاحبة لابسة قميص وضافة شعرها ولاروج ولاكحل (لأنها تشوفني بس أنا كنت تعبانة من حق)وتتجهز لأهل زوجها بالقهوة والشاهي وتستقبلهم وكأنها هي إلي خادمتها وقايمة فيها ويسألونها الحريم وأنا أسمع عسى امك تنام , تقول لاوالله مامن نوم !!! وأنا أحس ضغطي بينفجر الناس صدقوا حركتها ,مع إنها كانت تزور امي في المستشفى بالرياض بكامل زينتها روج وكحل ولبس حلو أنا مادري لمين كانت تكشخ وتاقف شوي وتروح للأسواق والمطاعم مع زوجها وقدام الناس أنا كنت عند امي , بالمدرسة تقول للمعلمات زميلاتها أنا أخدم امي وأستقبل ضيوفها وتستأذن كذا مرة أبروح لامي وهي تكذب تروح لبيتها وأحيانا تجي بس تمدد رجليها وتنقل لها الشغالة ألوان الفطور , أنا دريت بكلامها مع المعلمات عن طريق وحدة كانت معاها مقربة لي مرة وتقولي أنا ماني مصدقتها لأني عارفه إنك أنتي تستأذنين يوميا عشان امك ,, ياما وياما طاح وجهي من مديرتي وزميلاتي وأنا أقدم حصصي عشان أطلع بدري وهي مادرت عنا بس حسبي الله عليها ,,,,
آخر حركة سوتها مع امي كانت قبل شوي هي هلحين باجازة رعاية طفل من بداية السنة وهي تمدد ( وش عليها مخدومة محشومة رجل يصرف عليها وعيال يخدمونها) المهم تداوم الأحد الجاي نتهي إجازتها وجانا اليوم تعميم إن الدوام لـ12/6 يعني زادونا اسبوع وجيت أنا من المدرسة وقعدت أسولف مع امي وقلت علمي اختي بزيادة الدوام وأدق رقمها وأعطي امي التلفون ترد بنتها وتقولها امي الخبر وامي مبتسمة ونفسيتها زينة ونادر امي ماتستانس , وتقفل بعد ماقالت قولي لامك , بعد دقيقة تقريبا دقت اختي وش تتوقعون تقول ؟!
تخانق على امي وترفع صوتها وتقول لييييه أنتي خايفة أجيب ولدي الصغير عندك ؟ وش هالحركة إلي سويتيها ؟ بس تتصلين تقولين زادوا دوامكم وش هالخبر ..!!!
امي قعدت كالعادة تقسم أيمان إن مو قصدها شي وإننا من طيب نية ......الخ
أنا ارتفع ضغطي قعدت أصوت لامي وهي تسمعني سكري السماعة وامي ماكأنها تسمعني لأنها خايفة منها , أحرقت أعصابي الله يحرق قلبها قولوا آمين , طبعا امي وضح بوجهها وارتفع ضغطها وأنا أقول يحق لها تسوي كذا وأكثر مالقت أحد يأدبها ...
بالله وش رايكم أكتب لكم وأنا محروقة ومنقهرة منها الله لايربحها لادنيا ولا آخرة , الله ينتقم لامي منها بعدد ماأحرقت قلبها ياحي ياقيوم لاتمتعهابأولادها ياقوي ورينا فيها يوم أسود ..
غصب علي والله بس مادري وش قاعدة تحتري ماتبر بامي وابوي مع إنهم كبار وينرحمون وفوق هذا مدللينها ,وهي كبيرة عدت الأربعين وتصرفاتها تصرفات مراهقة,,
شاركوني لو بكلمة الله يفرج عن كل وحدة ترد ...
ألي كتبت غيض من فيض وإلا مواقفها كثيييييرة بس طولت عليكم ..
دلوعه كلمتي مسموعه @dloaah_klmty_msmoaah
كبيرة محررات
يلزم عليك تسجيل الدخول أولًا لكتابة تعليق.
orient
•
الله يعينك..والله حاجه تحرق القلب..!!
ولا كأنها بنتكم..هذي حقوووووووووووووووود...
اهم شئ لاتضعفين لها..وأولادها..ا
ذا حاول ولدها بس يقرب منك..أتفلي بوجهه..ماباقي الا المبزره يضربون!!
ودتس هالنوع من الاوادم..يموت ويرتاحون العالم منه.اوووف
ولا كأنها بنتكم..هذي حقوووووووووووووووود...
اهم شئ لاتضعفين لها..وأولادها..ا
ذا حاول ولدها بس يقرب منك..أتفلي بوجهه..ماباقي الا المبزره يضربون!!
ودتس هالنوع من الاوادم..يموت ويرتاحون العالم منه.اوووف
واهلك مع احترامي ماعندهم سالفه وناس جبنا ولا ليه ما يقفونها عند حدها
تصدقين يوم قريتها قعدت أضحك ...
فعلا ماعندهم سالفة وشاب راسي وأنا أحاول أصحح الوضع بس ماعندك أحد ..
الله يجزاك خير حبيبتي ريا وسكينة وربي يفرج همك ويسعدك وين مارحتي
تصدقين يوم قريتها قعدت أضحك ...
فعلا ماعندهم سالفة وشاب راسي وأنا أحاول أصحح الوضع بس ماعندك أحد ..
الله يجزاك خير حبيبتي ريا وسكينة وربي يفرج همك ويسعدك وين مارحتي
حسبي الله ونعم الوكيل
قولي لابوكي عن اسلوبها مع امك وخوفيه عن اضرار زعلها ممكن تنتكس صحتها الله يخليها لكم
وفالدنيا ياما تشوفي الله المستعان بس خلك قويه وعلمي اخواتك كيف يستقون
قولي لابوكي عن اسلوبها مع امك وخوفيه عن اضرار زعلها ممكن تنتكس صحتها الله يخليها لكم
وفالدنيا ياما تشوفي الله المستعان بس خلك قويه وعلمي اخواتك كيف يستقون
orient :
الله يعينك..والله حاجه تحرق القلب..!! ولا كأنها بنتكم..هذي حقوووووووووووووووود... اهم شئ لاتضعفين لها..وأولادها..ا ذا حاول ولدها بس يقرب منك..أتفلي بوجهه..ماباقي الا المبزره يضربون!! ودتس هالنوع من الاوادم..يموت ويرتاحون العالم منه.اوووفالله يعينك..والله حاجه تحرق القلب..!! ولا كأنها بنتكم..هذي حقوووووووووووووووود... اهم شئ...
تصدقين بالله بدا يأنبني ضميري أخاف أغتابها بهالمنتدى
بس حلوة منك
إذا حاول ولدها بس يقرب منك..أتفلي بوجهه..ماباقي الا المبزره يضربون!!
قسم قاعدة أضحك مادري وش فيني !! شكلي بديت أضيع من القهر
الله يعطيك ألف عافية ياقلبي ويوفقك
بس حلوة منك
إذا حاول ولدها بس يقرب منك..أتفلي بوجهه..ماباقي الا المبزره يضربون!!
قسم قاعدة أضحك مادري وش فيني !! شكلي بديت أضيع من القهر
الله يعطيك ألف عافية ياقلبي ويوفقك
الصفحة الأخيرة
واختك من نوعيتها ناس كثير الله يهديها
انا بس حبيت اهديك واقولك لا تدعين عليها هذي اختك واخاف الدعوه ترجع لك ونا اختك قولي حسبي الله ونعم الوكيل فيها الله يكفيني ويكفي امي شرها اما الدعاء عليها مراح يقدم ولا ياخر بس بيزيد رصيدك من الذنوب
الله يهديها
واهلك مع احترامي ماعندهم سالفه وناس جبنا ولا ليه ما يقفونها عند حدها