مكرر

اختي هند ما أقوووووول الا الله يعينك ويعيني معاك صدقيني مواصفات أختك تنطبق تماما على أختي
وإحنا عانينا منها كثير لدرجة توفت الوالدة قبل سنتين وهي تدعي عليها والحين الوالد مريض وكمان
يدعي عليها وصدقيني الي زي كذة خاسرين دنيتهم واخرتهم ولازم يكون للظالم نهايه وراح نشوف نصرنا فيهم بس أوصيك لا تكثري الدعاء عليها لان الدعوة مقسومة ولكن قولي اللهم اكفني فيها بما تشاء وربي متطلع وشايف واكيد راح ربي ينصرك وينصرنا

ادعي لها بالهداية ولاتدعين عليها والله بكرة تندمين لوصارلها شيء
الله يعينك

لاحولاولاقوه الابالله الله يعينكم على مابلاكم

انا ودي ابدي رائي في الموضوع بس اختلف عن البنات في ان لي اخت مثل اختك انا ما راح اتكلم عنها بحكم ان الله هداها ورجعت لطريق الخير بس راح اعطيك بعض النقاط الي عالجنا من خلالها المشكلة
يشهد علينا الله اننا صبرنا على تصرفاتها كثير لكن جربنا معاها طريقة التطنيش يعني كانت تجي تقعد كل انواع الخدمة تتقدملها زي اي ضيفة
تتكلم وتتفاخر براتبها وكم عندها وكل مرة انواع اجهزة الموبايل حولينها بس احنا ولا كلمة
واذا حبت تتحايل علينا قامت تعرض خدماتها ( تبغين زي بلوزتي امر عليك ونروح المحل والي تبينه نشتريه ) طبعا الحيلة هذي كانت تمشي علينا قبل بس بعدين ابدا
كانت تصرف لابوي وامي راتب شهري واذا زعلت قطعته ( كلمنا ابوي وامي ما عاد ياخذون منها شي ) وحتى اخوي تورط مرة في دين وهي الوحيدة الي كانت متوظفة ايامها رفضت تعطيه وقمنا وجمعنا الذهب الي عندنا وبعناه وسددنا الدين يعني بصريح العبارة ما اعطيناها فرصة تتسلط علينا حتى بعد ما تزوج معظمنا 00النتيجة انها تغيرت 180درجة وصارت تحاول تكسنا باي طريقة ( ترى بالنهاية الوحدة مالها الا اهلها بس الفلوس تغير الانسان و تخليه يشوف نفسه حتى على اقرب الناس ) انا ماني من النوع الي يفضفض لكن كتبت هالكلام عشان اهون عليك وبنفس الوقت ابين لك ان الامل في الله كبير قادر يقلب كرهك لها محبة وتتمنين انك ماكتبتي هالكلام