الله لايوفق كل من يعين على الظلم

انا مطلقة من ٣ سنين وابني معي حضانتو معي وحق الزيارة ل ابوه
ابوه مسافر ومتزوج وعايش مع مرتو وولادو برا سوريا ومابيسأل ب ابنو ابدا ولا بيبعت الو مصروف رغم اني بعتلو اكثر من مرة ورفض قلي مادخلني فيو لا من قريب ولا من بعيد انتي موظفة وواجبك تصرفي عليه مو انا
حاول يخطفو مرتين عن طريق اهلو ويسفروه برا سوريا بس الله قدر ولطف واخر مرة رجعوه من عالحدود اللبنانية لما خطفو عمو من مدرستو
وكل هذا الشي القاضي مابيقتنع فيو ابدا وواقف بصفهم لانو على معرفة ب ابوه ل طليقي وعاطي الحق بالزيارة ل بيت جدو واذا تأخرت دقيقة بيتصلو عليه وبيتصل علي بيهدد
طليقي نزل ل سوريا وقاعد صرلو فترة وماسأل ابدا فيو هلق قبل كم يوم تذكرو واجا عند اخي وقلو عطيني ابني وانا رفضت خوف من انو يخطفو معو ويسفرو لانو جواز سفرو عند اهل ابوه ورافضين من زمان يعطوني الجواز
لما رفضت اشتكو للقاضي الصبح واتصل فيني معصب
قلتلو انا حاول يخطفو اكثر من مرة
قلي يخطفو يدبحو مادخلني والله اذا ماتبعتي الولد هلق ل ابوه غير اطلع فيكي امر قبض واشحطك واشرشحك بالحبوس
حاولت احاكيه قلي لاتخليني امسح بكرامتك الارض على الصبح يابتبعتي الولد يا اما ببعت دورية تاخذو وتاخذك عالحبس
بعتتلهم الولد من ٣ ايام اول مارجع من مدرستو ولهلق مابعرف عنو شي ابدا رغم انو الزيارة يوم واحد بس من الصبح للمغرب هذا الاتفاق ولهلق مارجعوه وكل ما اتصل فيهم مابيردو ولما رحت قالولي مع ابوه ومرتو واخوانو بالشام ومارضيو يقلولي وينو ابدا
وابوه جوالو مقفول مابيرد حتى رحت ل اهل مرتو قالولي مامنعرف شي اذا اجت لعنا منسألها عن ابنك شو صار فيو او اذا اتصلت
ماخليت باب مافتت عليه
اتصلت بالقاضي رجع يسبني قلي شو بدك من الصبح تضربي انتي وابنك
قلتلو عن لي صار وسكتت عن كل بهادلو الي
قلي شو اعملك يعني عمرينو مايرجع خليه مع ابوه وروحي خلفي غيرو وعتقينا وقفل بوجهي السماعة
لما اتصلت مرة ثانية قلي والله بتتصلي مرة ثانية غير اشحطك شحط من شعرك للحبس
قلتلو ياويلك من الله والله لا اشتكيك قلي الله ياخذك وليه وروحي بلطي البحر
حتى لما رحت لفرع الامن الجنائي رفض يسمعني الضابط وقلي مادخلنا قوليلنا ابنك سرق ابنك قتل ببعت دورية تجيبو ولو كان تحت سابع ارض وبربي فيو القرود الزرق وقلعني من بعدها
وابني لهلق مابعرف عنو شي خايفة يكون اخذو على شي مكان او خطفو او عمل فيو شي ومومبين ابدا حتى على مدرستو ماراح
حسبي الله ونعم الوكيل ب طليقي واهلو والقاضي لي اعانهم على ظلمي وظلم ابني
اخواتي ادعولي بيقولو دعوة الغريب مستجابة ادعولي ربي يرجع ابني لحضني