يا الله يا بنات والله ما فيه احد جبرني إني اكتب لكم ها الموضوع إلا حبي لكم في الله ,,,, أبغاكم تحسون بالإحساس الرائع اللي أحس فيه بعد ما أتبرع بالدم والله قد ما وصفت لكم ما راح تتخيلونه ,,, من كنت صغيرة و أنا هاجسي التبرع بالدم أحس انه عمل خير وصدقه جاريه غافل عنها كثير و يتكيسل عنها كثير لان فيها طلعه وروحة و إبرة بس والله هذا يزيد من أجرك , خاصة إذا كانت فصيلة دمك نادرة وناس تموت عشانها محتاجة لقطرات من دمك... تنقذين فيها أرواح وهي ما تنقصك شي وتذكروا الايه الكريمة (ومن أحياها فكأنما أحيا الناس جميعا) وترى الموضوع سهل كثير تروحين لأحد بنوك الدم في المستشفيات الكبيرة انا اروح لمستشفى الملك خالد الجامعي ومستشفى الملك فيصل التخصصي ( مستشفى الملك خالد اسرع و اكثر مرونة و سلاسه وفيه غرفه خاصة للنساء) وتقولين لهم انك حابه تتبرعين بياخذون طولك ووزنك وفصيلة دمك اذا ما تعرفينها و مستوى الهيموجلوبين في الدم .... اذا كويس سحبوا منك 450 م جرام في الغالب .. طبعاً ما يدخلون دمك لبنك الدم الا اذا تأكدوا من خلوه من الامراض بالكشف عليه من خلال الكمية اللي سحبوها ,,يعني فرصة تشيكين على صحتك كل فترة... ناهيك عن الفوائد الصحية والنفسية اللي بتعود عليك بعد التبرع بيتجدد عندك الدم و بيحاول جسمك تعويض كمية الدم اللي خسرتيها بانتاج دم جديد خلال 48 ساعة والتجديد هذا مفيد لجسمك .
عاد انا فصيلتي مو نادرة +o بس انها تعطي كل فصائل الدم يعني يحتاجونها في بنك الدم كثير, تبرعت الى الان 7 مرات ما يتعبني هالشي ابد بس اعمل حسابي قبل التبرع باسبوع اهتم باكلي واكثرمن اكل التمر ويوم التبرع اروح الصباح واكون نايمه كويس في الليل والله ولا اسهل منها شكة ابرة بسيطة وبعدها احس بذاك الاحساس الرائع اللي قلت لكم عنه في البداية .
الاحساس بالعطاء
الحين انا عندي اقتراح عشان يكون الموضوع فيه تشجيع وحماس ابغى الكل يتحمس ويروح من بكره يتبرع واولهم انا باذن الله ويقولنا عن الجانب الايجابي عن التجربة .. بس الايجابي يعني اللي تخاف من الابر لا تنقلنا مخاوفها الله يجزاها خير... ونشوف بعدها كم عدد القلوب الرحيمة في هذا المنتدى وكم بتوصل الاعداد يا عضوات حواااااااااااااء .
.
.
.
قدها يا حلوين
الكلبوصة @alklbos
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
ودي اتبرع
الله يجزاك خير