السلام عليكم ورحمة الله وبركاته وبعد
اخواتي وحبيباتي بنات حواء :26:
الله يجزاكم خير الجزاء ابي فزعتكم 000 فانتم اهل الفزعاات:(
ماودي اتحطم السالفه ومافيها
عندي اخو توه متخرج ثانوية من الثانويه العامة ونسبته 58‘80
وتقديرة (جيد جدا)
المسكين حلمه انه يدخل كلية الضباط والكليات العسكريه 000:( قدم فيها ولكن للاسف لم يقبل فيها0 0والله اني مقهوره علشانه ودخل كليه التقنيه بس ما استمر فيها :( تركها يقول ماهي طموحي ولا لي رغبه فيها
المهم امي متضايقه بالمره على قعدته بالبيت وابوي رجال كبير ولاعنده وظيفه على الله ثم هالشوؤن :
والله ثم والله اني تعبت من كثر التفكير في وضعهم المادي والمعنوي 0000 مليت احس الدنيا معاندتنا 00000 الحمد لله على كل حاااااال
تكفون ابي فزعتكم اللي عندها اخو او زوج يقدر يساعده بوظيفه او يوظفه عنده اذا كان صاحب مكانه وعمل بالقصيم000لانهم بالقصيم ساكنين :( تكفون تكفون فزعتكم ولاتردوني خايبه
ولاتنسون كلام الرسول صلى الله عليه وسلم (ماكان العبد في عون اخيه كان الله في عونه )
وهاذي تعتبر كربه لانه مالهم احد موظف 0
والله اني حزينه علشان اخوي ودايم افكر فيه احس انه تحطم والمشكله اني في ديره وهم في ديره وزاد قلقي عليهم والله اني بالليل ما انام من كثر ما افكر في وضعهم 000 الله يفرجها عليهم وعلى كل من هم بوضعهم0
والله ما ودي اطول بس ودي افضفض لكم لاني تعبت ابي احد يشاركني ويفهمني 00
الله يخليكم ابي فزعتكم 00000 والدعاء لهم بالفرج :( ان شاء الله
اتمنى اني اذا رجعت لموضوعي الاقي تفاعل واخبار حلوه علشان اكلم اخوي وابشره بالوظيفه يارب يارب اتمنى 0
ولكم الاجر والثواب ولاتنسون دعاء والديه راح يدعون لكم طوووووول العمر لانه راح يتحسن وضعهم ان شاء الله بعد وظيفته باذن الله0
والله يوفق من يعين ويعاون
وشكر اختكم 000 صادقة المشاعر
يلزم عليك تسجيل الدخول أولًا لكتابة تعليق.
عيون المها2008
•
ليتني اقدر اساعده كان والله ماقصر معاكم بس ان شاء الله ربي كريم ان شاء الله ربي يرزقه الوظيفة اللي يتمناه يارب العالمين
نسبته زينه ليش ميدخل حسبي الله عليهم الله يوفقه بلوضيفه طيب لازم يدخل مجال العمل ولايحتري يجيه اشغل خليه يقد بلبنك يعطونه دورات وبعدين يوضفونه
الصفحة الأخيرة