الله لا يحوجنا لكم ياوزاره التربيه والتعليم

انا معلمه او بالأصح مستخدمه
رزقني الله بمولود في 9 شوال
الاسبوع اللي فات راحت اقدم على اجازه رعايه مولود ورفضوها لسببين
الاول اخر موعد التقديم 30 شوال مدري من الحمار اللي طلع هذا القرار اللي ما عندي عنه اي خلفيه من في اعرف وش ذا التخلف
السبب الثاني لغوا التعاقد يعني لا يوجد بديله
طيب العالم الا عنده ظروف وش تسوي الله يهدهم
ياعالم انا طفلي عنده حساسيه من الحليب الصناعي يعني أداوم بعد شهرين والضعيف وش يرضع مويه ؟؟؟؟؟
سبع ساعات أبعدها بعيد عنه يموت من الجوع
لنفرض أنكم لغيتوا التعاقد حطوا خطه بديله مؤقته الين تقررون الله يجعلكم الماحي
وفي ظروف أسوا ويرضع رفضوا
مدري متى هذي الوزاره تطلع قرارات حكيمه في مصلحه الكل ذبحهم الحسد على بالهم اللي تاخذ اجازه رعايه مولود تأخذها علشان تشخر
ماعندهم زوجات وبنات ويشوفون ماساه الام بعد الولاده
بالأمانة هل شهرين كافيه
ياناس كل دول العالم اجازه الامومه لاتقل عن 3 شهور
هذا ورعايه المولود اعطيهم ثلاث ارباع الراتب يعني شاريه الاجازه
رضينا بالهم والهم ما رضي فينا
متى يعاملونا اوادم ولنا حقوق
حسبي الله عليهم
غير السهر اللي مطلع عيني مع البيبي بالله أكيفا أداوم اليوم الثاني واعطي بإمانه
انا والليبي والطالبات في ذمه من حط هذا القرار ومن نفذه أوقف انا وهم يوم القيامة وأخذ حقي