الله لا يريكم في ما تحبون مكروهاماتت الوالده

الله لايريكم في ما تحبون مكروهاتذكرون موضوعي اللى كتبته قبل تسعة اشهر (قلبي بيتقطع على امي )ودعيتولها الله يجزاكم خير توفت الوالده بس انشاء الله ان هذا في صالحها في الدنيا والآخره فعسى ان تكرهو شيئاوهو خيرا لكم كا ن عندها الخبيث في الكبدوكانت حالتها ميئوس منهالان الدكاتره قالو ان المرض تمكن من الكبد ولا ينفع معها الكيماوي وخلال الثمان اشهر الماضيه كان يتشر في جسمها وكانت ماتدري ان عندها هل خبيث لآ خر لحظه من حياتها الله يعلم بحلتنا بعدها بس الي خفف الحزن انها ماتت ليلة الجمعه الساعه الثانيه وقت نزول المولى لاستجابة الدعا وماتت وانا جنبها ما حسيت بها يعني ربي يسر هلموته وخفف عنا ان اختي حلمت فيها وهي تقول لها انا بخير يابنتي وربي ابدلني بدار خير من داري
المرض بدا معها بالتدريج في البدايه قله في الشهيه وصارت تتضايق من الروايح سواء كانت طيبه اوغيره بعد ماكانت اول متميزه برائحة البخور والطيب وصارت أتاكل غصب علشان ماينزل السكر عندها تخيلي انك تأكلين الاكل خمس مرات في اليوم وانتي ما تبغين و صارت ماتروح الحمام الله يكرمكم الابمساعدة سواء بالعربيه او تستند علينا بعدين صارت ماتقدر تمشي فاطرينا نلبسها حفايض الكبار ومفارش السرير لانها كانت مليانه خفنا تنكسر واحنا نشيلها وحز في نفسها اننا اللي نغسلها ونروشها بعد الستروانها ماتقدر تمشي زي اول وهي ما تدري ليش وفي الفتره الخيره صارت ماتقدر تجلس الا بمساعده بعدين صارت ما تقدر تتقلب على السرير الا بمساعدة مع الام شديده في الجسم وانتفاخ في البطن والاطراف ما تنفعها المسكنات وما تنام الا بمسكنات ولاز م كل ساعه نقلبها على الجهه الثانيه او نجلسها بس ما تجلس الا بعد ما نفتح رجولها علشال يجي بطنها المنفوخ في الوسط وجزاء الله خير شغالتنا وقفت معنا وقفه ما ننساها كانت الوالده صابره وتقول الحمد لله على كل حال وكانت تشوف في منامها الموتىاللى راحومثل اخوالي والجيران وايقنت انها النهايه توفت وهي ماهي شيله على احدمع تعرضهاللآذى من اقرب الناس وقت المرض ما شاء الله لو تشوفون شكلها بعد ما توفت يوم جينا نغسلها وبعد ما غسلناها يفتح النفس لا ازكيها على الله بس هذا اللى حسيناه وهون علينا المصيبه لانها كانت دارسه محو اميه وكانت تختم القران عدة مرات في رمضان وعندها كتاب حصن المسلم النسخه اللي بخط كبير تلبس هلنظاره و تقراه مرتين يوميا من الجلدة للجلده تعرفون الكبار الله يرحمها ويجعل قبرها روضة من رياض الجنه ويرحم المسلمين والمسلمات والمؤمنين والمؤمنات الاحياء والاموات
الله الله يابنات في ابأكم وامهاتكم فهم من اسباب دخول الجنه والله يخلي لنا بوي ويطول في عمره امين ويحسن خاتمتنا اجمعين