الله لا يشغلنا عن طاعته /رضا الناس غاية لا تدرك

الحمد لله على كل حال
المحكمة مليانه من قضايا الطلاق لدرجة صار سهل و مثل شرب الماء
واحد اعرفه يشتغل بالمحكمة : يقول اللحين اغلب اللي تزوجوا العام طلقو
لدرجة يجي الواحد يطلق و أمس زواجه
و على أسباب تافهه احيانا
و هذا صدق
واحد طلق ام عياله يقول ابي اتزوج ثانيه وما اقدر على بيتين ؟ ! ( طبعا يبي ام العيال و العيال يروحون لاهلها و الا المعروف انه لازم يوفر لهم بيت و مصروف و الا الزوجه هي اللي تثقل؟
واحد يقول ما تلبس و تتزين بالمكياج مثل ما ابي ( على الرغم انها تصبغ و تغير اللوك كل فتره اخر شيء هي طلبت الطلاق تقول تعبت و عجزت ارضيه)
واحد طلق لانه صارت مشكله مع زوجته و اَهلها لانه يبي كل أسبوع خميس و جمعه و سبت عند اَهلها
واحد ما يبي يودي و لا يجيب و مخليها معتمده على اخوانها و المشاوير اهم شيء راحت نفسه طال عمره
واحد يقول مادري ماشفتها بالشوفه صح كنت فرحان و مرتبك
واحد يقول كنت فقير و ابي اعف نفسي ورضيت بوحده جمالها مو معجبه اللحين بعد سنييييين و زانت ظروفه يقول ما اقدر أطل بوجهه !!!( طيب فكرت فيها هي )
واحد يقول ابيها تشتغل تساعدني بالمصروف بس يبيها كامله بالبيت مثل اللي جالسه فيه كأنها الرجل الأخضر
واحد يقول استحيت يوم الشوفه ما ارتحت لها لكن اَهلها أكرمتني و استحيت ارفضها بس اللحين أفكر اطلق
طبعا هالقصص من المطلقات حولي و النت أنا ما أنكر ان فيه بعض الحريم قشرا و عصبية و بخيله و مهملة و غيره لكن و الله الوضع ما يطمن
فكرة الزواج و الحياة الزوجيه لازم تتغير عند البنت و الشاب و ان هذا قرار و مستقبل
البنت لازم تفهم ان الزواج مو سياحه و سفر و مكياج بالعكس احترام و تربيه و مسؤوليه
و الشاب لازم يفهم انها مسؤلية و رجوله و ان بنات الناس مو سلعه تستخدمها و ترميها لان راحت موضتها


لازم يكونون صريحين من البداية بتصوره للحياة و شروطه و الا كل واحد يجلس بدار أهله ( وحده معصبه)