الله لا يقومك بالسلامه دعوت زوجي علي

هلا بنات دعواتكم لي ربي يسهل حملي

الاربعاء الجاي موعد ولادتي ومن الان وانا في اوجاع لا يعلمها الا اللع تجي وتروح كذا كل حمل لي اصلا

وفوق هذا عندي الدم ناقص والسكر و فصيلة دمي سالبه

اليوم الظهر جاني الم فظيع وعيالي حولي يناقزون وتدرون الوحده اذا جاها الالم ماتبي احد حولها

قمت شبكت الدش وهو فاصله ابو الشباب وبرمجت بس قنوات الجزيره وخليتهم يتفرجون على قناة براعم

افتك شويه من جلستهم حولي

جاء ابو الشباب قرب العصر وقال مين شبك الدش قلت انا ابي افتك من صجة عيالك وما برمجت الا الجزيره حفظت التردد من كثر ما يقول جيبي ترددها من عند اهلك اذا بغى يشوف خبر مهم بعدين يمسحها

قال وليه ما تستاذنين قلت والله فيني اوجاع ابس ابي افتك منهم

قال يعني انا مالي كلمه طرطور صراحه قلت له انت قافل الدش ليش

مو انت اربع وعشرين ساعه على النت وتدخل اليو تيب وتشوف مقاطع كاميرا خفيه ولقطات مسسلات ونكون معاه احيانا نتفرج يعني وش فرقت

رد علي وكان العصر يأذن الله يلعنك وياخذك

وراح للغرفه صراحه رحت وراه وقلت السالفه ماتسوى انك تدعي علي

قال روحي الله لا يقومك بالسلامه من ولادتك وتموتين ان شاء الله موته شينه

صراحه ظلمت الدنيا في وجهي ليش هذي الدعوات القويه ومن زوج انا وش سويت

وربي يا بنات هذا الي صار

من العصر وانا ابكي خلقه الوحده توسوس لا قربت ولادتها انا من يوم ما قالوا لي حجم النونو كبير بسبب السكر ما صرت انام واعصابي تلفانه

اجل الان بعد دعوته وش اقول

وربي اني صبرت على اشياء كثيره شفتها منه بس عمري ما دعيت عليه لاني ما ابي بنتي تفقد ابوها في سن صغيره

اعرف ان مافي زي الاب في هالدنيا

من البكى اغفو شوي واحلم كوابيس احلم اني انزف في ولادتي واحلم اني اودع اولادي

دعواتكم لي بس حبيت افضفض لكم مخنوقه ما حولي احد

وهو راح نام وبعدها طلع ولا سأل ولا عبر مستغربه هالتصرف منه