الله لا يهينكم ابي مشورتكم ساعدوني لو بدعوه

الأسرة والمجتمع

السلام عليكم ...... حبيباتي ابي رايكم الله يخليكم
قصتي باختصااار لي سنتين متزوجه وبدون مبالغه زوجي دايم يهجرني ينام بالمجلس ومرات يتركني عند اهلي اسبوعين ومرات شهر والحين لي 3 شهور وانا عند بيت اهلي والسبب اسباب جدااااااا تافهه اخر مشكله كان يوم خميس وقلت له بكره يوم الجمعه وابي نطلع مع بعض نستانس تخيلوا وش قال ( انا مواعد صديقي فلان ) انقهرت لاني انتضرت شهر كامل ابي اطلع معه لاكن ما جت فرصه ولما جت الفرصه قال ابي اطلع مع فلان وراح اوصلك لاهلك وربي قهرني وقلت له خله يفيدك فلان وطلعت من الغرفه ورحت البس عباتي وحاول يكلمني لاكن كنت بوقتها زعلانه وانا من النوع اذا كنت زعلانه ما احب احد يكلمني والتزم الصمت لاكن هو من النوع الي ما يحب اني اسكت برمضان ارسلت له رساله وقلت له ابي اجي لبيتي ونتناقش بالموضوع ورحت لبيتي وانتضرته وكان فاتح المكيفات ومبخر البيت لاكن ماجاء يقول اشتغلت !!! زوجتك ما شفتها من شهرين وتبي تحل الموضوع ويقول انشغلت ؟؟؟ المهم دخلت لغرفتي ابي اخذ ملابس لي ولقيت صورتي والبومي حق الزواج مغطيه تخيلوا ما يبي يشوف صورتي وربي قهرني بتصرفاته ,,,,, المهم كتبت له رساله قلت له ما ابيك خلاص طلقني ما دام اصلا ما تبيني ومنت مجبور علي اصلا ....... المهم الحين لي 3 شهور واحاول بالرسائل له انه يرجع لاكن ما فيه فايده تخيلوا امس ارسلت له رساله وقلت له ( ممكن اكلمك ولا مشغول ) انتضرت نص ساعه ما رد علي وانقهرت منه وارسلت له ( اسفه على الازعاج ) تخيلوا وش قال لي .... قمت من النوم على اسلوبك الراقي للاسف ما تغيرتي .... قهرنييييييييييييييي ودي اموت من تصرفاته الي يقهر انه يجرحني ولا يبي احد يجرحه
وقبل اسبوع ارسل لي رساله يقول ياليت تضفين اغراضك لاني ابي اسلم الشقه وياليت قبل يوم الجمعه .... قلت لابوي واتصل عليه وقال له انها هي الي تبي الطلاق ... قال ابوي له انها تبيك وووو .... لما انهى ابوي المكالمه قال ان الرجال ما يبيك خلاص واضح من كلامه لاكن ما نطقها وقال ابوي اكيد انه يبيك انتي تطلبين الطلاق علشان نرجع له المهر .,,,, ما ادري وش اسوي يابنات انا احبه موووت مع كثره هجره لي لاكن احبه والله ما ادري وش اسوي ابي رايكم هل اضف اغراضي بكره ؟؟؟ وخلاص هل اتطلق ؟؟؟ هل اعلم اهله على تصرفاته معي الي يقهر اني انا الي اصرف عليه لانه مو موضف ومتحمله بدال ما يحمد ربه علي يسوي لي كذا مع اني ما قصرت معه باي شي تحمت تسديد قرض علشانه بدال ما يحطني فوق راسه اااااه بس ؟؟؟ الله يخليكم ساعدوني لو بدعوه الله لا يهينكم
18
1K

يلزم عليك تسجيل الدخول أولًا لكتابة تعليق.

تسجيل دخول

شنطة ام امان
شنطة ام امان
ربي يفرج همكـ
وإن كان فيه خير ربي يرجعكم لبعض وإن كان لا عسى ربي يرزقكـ غيره ويعوضكـ خير
والحمدلله توكـ مو مثل اللي لهم 10 سنوات وطالع وبعدين ينفصلون عن بعض
الله يسعدكـ.....
ملكة الغموض
ملكة الغموض
الحمد لله ما عندك اعيال

قولي اللهم اجرني في مصيبتي واخلف لي خيرا منها

ولا تقولي لاهله شئ يمكن ربي ماكتب لك معه حياه
دَم?_ـعهَ ح?_ـٍزِن
يعوضني خير منه ؟؟؟؟ ما اعتقد اني راح اتزوج مره ثانيه ما دام الزواج كذا .........
الله يجزاكم الجنه خواتي ما قصرتن وربي
لاكن نزلت دمعتي من كلامكم الي يبين ان راح يطلق
راحتي انعزالي
الله يكتب لك الي فيه الخير واهم شي استخيري وادعي الله ييسر لك الخير
فديت روحة
فديت روحة
الله يصلح بينكم