اللهم لك الحمد كما ينبغي لجلال وجهك وعظيم سلطانك
كيفكم ياكروشات
الله يهون عليكم ويذوقكم طعم العافية زي ماذقتها
ترددت قبل ماادخل وصرت اقدم خطوة وارجع عشر اخاف من عدوى الحمل :hahaha:
انا من رواد قسم الحمل والولادة من يوم حملت وكنت اكتفي بالمشاهدة فقط واخذ الخبره والتجارب
والحين قلت ابدخل واكتبلكم قصة ولادتي وتجربتي لمستشفي دله وصور المستشفي وشنطة المستشفي
علشان تستفيدون
اولا :
قمت الساعة 8 الصباح ع الم الطلق ومغص شديد يروح ويجي كل عشر دقايق وعرفت ان ساعة الصفر
قربت بس من الخوف صرت اروح واجي للحمام كاني بكريه رغم ان هذا الرابع بس خفت خوف غير طبيعي
وقمت صلحت كوب حليب بالعسل والحلبه وصليت الضحي وقريت كتاب ورد الولاده وكل شوي يزيد الالم
ويزيد الخوف يوم اذن الظهر نزل معايه دم الله يكرمكم واتصلت ع اختي وطلعت عندي وقالت يالله المستشفي
قلت لا ودي اولد في البيت من شدة الخوف وسحبتني اختي لمستشفي جنبي علشان نتاكد من قرب الولادة
دخلت لمستشفي سلمان واااااه من سلمان رغم تعبي الا انهم عادي ابرد ماعندهم ويالله نزلت الدكتوره
كشفت عليه قالت الرحم مفتوح 6 سم قالت يالله تنويم قلت لا انا بولد برا قالت اجل بصمي انك خارجه
ع مسيؤليتك طلعت ورحت لمستشفي دله دخلت الساعة 2 ونصف دخلوني الطواري وكشفت عليه الدكتوره
وقالت خلاص تنويم طلعوني لفوق ودخلوني غرفه الانتظار كان صغيره جدا وعيبها ان السرير امام الباب
واللي يفتح يشوف البلاوي :icon33:
االممرضه اللي معايه كانت عسل مررره وتعاملها يهبل ودخلت عليه الدكتوره لبني الله يسعدها من جد روعه
انا كنت طالبه الدكتوره صبا ودافعه الفلوس كمان علشان تدخل تولدني وكل ماسالت عنها قالوا بتدخل وقت
الولاده المهم دخلت عليه الممرضه وقالت ابعطيك طلق صناعي لان طلقي كان باااارد مرره طبعا رفضت
وقعدت ادعي ربي بالفرج من غير طلق صناعي وركبوا لي قصطره وهذي اللي تعبت منها لانها قيدت حركتي
المهم ان خلاص الساعه 4 حسيت اني قربت مره وناديت الممرضه ودخلت لي دكتوره عراقيه اسمها زين
وفتحت كيس المويه وبعدها اشتدت الالم وقالت انتي تبغين الدكتوره صبا قلت ايه قالت لازم تدفعين فلوس
زياده قلت احنا دافعين قالت لا ماانتوا دافعين انا من التعب قلت خلاص اي احد يولدني لو عامل النظافه ههههه
المهم نقلوني غرفة الولادة الدكتوره كانت مره مستعجله وحاره مره وتولدني انا ووحده ثانيه في نفس الوقت
وع الساعه 4 وربع بديت ادفع بس مرتين حاولت قالت خلاص بنجيب الجفت ونسحبه قلت لا توني قالت انتي
مو راضيه تدفعين وجابوا الجفت وقعدت ادعي واقول ( لااله الا انت سبحانك اني كنت من الظالمين )
وسبحان الله دفعت وطلع ولي العهد
بالسلامه ومن يوم طلع وانا ابكي واتحمد الله ع اليسر وقعدت افكر
في امهاتنا اللي كانوا يولدون في البيوت كيف وضعهم عسى ربي يكتبلهم الجنه
يتبـــــــــــــــــــــــــــــــــــــــع
