الله ياحبّي لضحكْـات الأطْفـال

بسم الله الرحمن الرحيم
السلام عليكم ورحمة الله وبركاته

هذي قصيده مؤثره :( لقيتها في احدى المنتديات (للعضو حسين الهوران )

الله ياحبّي لضحكْـات الأطْفـال
وأعْشق شقاوتْهم وحتّى بكاهـم
ياصرْخة المحْروم لُولو,ويامـال
ياهجيني البـدْوان شالوْ,غناهـم
يامنْيتي ياشي يخْطر على البـال
يازينـة الدّنيا,لبعضْنـا شقاهـم
يامكْسبٍ أكْبر من المُلْك والمـال
يافرْحة المحْـزون والجوْ,داهـم
كلْمة (يُبهْ) موّال وتصير مـوّال
في مسْمع الّلي منْحرم من نداهم
يافرْحةٍ لو لامست راس رجّـال
يمكن شماغه مع عقاله رماهـم
الله يكيل الـرّزق للكـل مكْيـال
ناسٍ معرّيهـم ونـاسٍ كساهـم
أنا صبرت ودمْع الأيّام لي سـال
ودارت طواحين السنين ورحاهم
الهم له عندي مكانـه ومنْـزال
ومجموعة الأحزان صدري هواهم
أطفال حرّيـه, وأحْيـان أغْـلال
بأعْناق من ربّي شقاهم عطاهـم
أطفال,يامولاي ترْزقنـي أطفـال
برحمتْك يارحمن اسْمـع نداهـم



بناااااااااااااااااااات القصيده روووووووووووووووعه


اللهم ارزق جميع المحرومين :(
دعواتكم لي بالذريه اللي تملا علي حياتي :(