الله ياخذ حقي منه ان شالله /3

السلام عليكم ورحمة الله وبركاته
في البدايه احب اشكركم من اعماق قلبي لانكم كنتم النافذه الوحيده لي في وحدتي
وحبيت انكم تشاركوني احداثي وما حصل لي في هذي الايام
حنا وصلنا اني شكيته للشرطه وهو طلع من البيت وانا جلست ببيتي او بالاصح غرفتي جلست يومين وكانت بالنسبه لي سنتين كنت انوم ع الدموع واصحى ع دموع لاني حسيت اني شخص غير مرغوب فيه بالبيت تخيلو يابنات اقول لااخته ابي الجوال ابي اكلم اهلي قالت والله اخواني حالفين اني مااعطيك اياه والله صكت الدنيا بوجهي وضاق صدري ابي طريقه اكلم فيها اهلي ومالقيت وسبحان الله وجلست ادعي ان الله يفرجها لي وجلست ادور بين اجهزة الجوالات عندي كانو عيالي يلعبون فيها قديمه ولقيت شريحه بجهاز بنتي الجلاكسي والله كني طايحه ع كنز لاكن للاسف صار الشاحن خربان واجلس في حيره وفي هم واجلس ادور ولقيت جهاز ماله بطاريه وجلست احاول ببطاريات عندي لين ركبت وحده عليه والله فرحت شفتو شعور الشخص الضايع مقطوع به جميع الطرق والاتصال وفجاه لقى احد ينقذه هذا هو شعوري واروح ع طول وافتحه وارسل رساله لاختي ودقت علي وكلمته قالت والله انا دقيت وامي دقت ع اخته طبعا بس ماترد وعلمتها السالفه المهم يابنات تصدقون ماهان عليهم يقولون لي تعالي تغدي معنا او تعشي معنا جالسين يشون ولا نادو علي ولا سالو عني مع العلم انا ما عندي مطبخ مطبخنا مشترك نحت والله يابنات اني بس ع المويه وكليت بس ساندوتش جبن ليومين ويوم كليت بس تمر الزاد ماله طعم في فمي ولاشي
وتخيلو وانا جالسه ع النت فجاه الشبكه تنقطع وهي شبكة اخته خلاااااص احسني بغيت انجن وقلت خلاص لازم اروح عند اهلي ع الاقل لين الجمعه وارجع عشان المدارس
وصحيت اليوم ولميت اغراضي ورتبت غرفتي ومسحتها وكل شي ودقيت ع اهلي وقلت تعالو خذوني قالو لازم زوجك يصير عنده خبر بكره يقول راحت ولا قالت لي وانتو خذتوها وتصير حجه عليك دقي وكلميه
اضطريت اني ارسل له رساله واقول اني بروح لهلي ولا رد ودقيت ولا رد وقلت لهلي قال اخوي خلاص انا بجي اخذك وهو جاي الا بنتي تقول ابوي جا قلت اكيد الحين بتصير مشكله
وادق ولا رد ولا جا بالغرفه ولا شي ارسلت بنتي له قالت راح المهم واخذ اغراضي وناديت ام زوجي وقلت لها انا بطلع وارجع الجمعه وقلت لها انا دقيت وارسلت بس مارد قلت طيب وانا قلت لها عشان تكون بالصوره واقول اني قلت لامك
وانا الحين عند اهلي والحمدلله نفسيتي احسن شوي
ويهمني رايكم ودعواتكم الله يجزاكم كل خير يارب
ومعليش ع الاطاله