الله ياخذ زوجي .. الله يلعن زوجي .. حسبي الله عليه

مدري كيف تتجرأ وحده وتدعي على زوجها دعاوي تهز الجبال وربما تغضب الرحمن!!

لا تظنون إني عايشه بجنة وحياتي كلها سعادة ووناسه ..

لا والله عندي من الهموم ما الله به عليم ..

لكن عادي اتضايق اتكدر بس ما اتجرأ ادعي على زوجي مهما كان سبب زعلي منه ..

وحده بكل جرأة تدعي على زوجها وتقول .. يارب متى يجي اليوم اللي اشوف عياله يبكون يتامى عندي .. وجاء فعلا ذاك اليوم وهي أول من بكى وأكثر من تأثر وخسر ..

وحده تدعي على زوجها بس عشانه ما خلاها تجلس عند أهلها أو ما ودها للسوق أو ما طلعها !!

وفي الجانب الآخر نشوف زوجات .. أزواجهن يسكرون ويضربونهن ومع ذلك صابرات محتسبات ..

ما هو رخامه فيهن وقلة والي ..

لكن بعض النساء ما ترضى ببوح أسرار بيتها لأحد ..

وبعضهن عادات مجتمعها تنظر للمطلقه نظرة دونية للأسف وتضع اللوم عليها ..

وبعضهم بينهم أبناء وربما يهددها بحرمانها منهم ..

عادي .. ازعلي .. ابكي ..تغلي عليه .. لكن لا تدعين ..

يا ليت تفكرون بس شوي ..

"لماذا النساء أكثر أهل النار ؟؟ يكفرن العشير .."

دمتم بسلام ومحبة