مساء الخير والسرور
هذا سلمكم الله لانظفت بيتي ولمعته اعطي نفسي هديه اقوم اسوي لي حلا وقهوه واتقهوى مع :arb:وقلت باسوي المزيونه بسبوسه
طبعا بسبوستي عاديه جدا زي اي مقادير بس بدال القشطه احط لبن نص كاس
والسر ياكتكوتات
الحشوه احشيها لبنه مع قشطه لانها تعطي حموضه اللبنه مع حلاوه الشيره والله تدرون وش قال:arb: قال جناااان ولاول مره لان مايعجبه العجاب >> اخلصي بلا قرقر كتير
للي طلبوا المقادير من عيوني الحلوه >>لاتمدحين نفسك
المهم
بيضتين
مع 3فناجيل سكر
بياله زيت
ملعقه بكنج بودر>> فديت امي تسميه كنج بودر
نص كاس لبن
3 ملاعق حليب
كاس سميد
ونص كاس جوزهند محموس افضل ولا براحتك
وبس
اذا تبينها سميكه زي بالصوره الله يسلمك حطيها بصينيه صغيره واذا صينيه كبيره دبلي المقادير الله لايهينك
اووووووووووووف نسيت سر ثاني
تراني حاطه ربع باكيت كريم كرامل ع الشيره اهم شي ترى الشيره(كاس مويه +كاس سكر+ ربع باكيت كريم كراميل)
ملاحظه:اول شي حطي نص الكميه ياحلوه بعدين حطيها بالفرن شوي لين تتماسك طلعيها حطي القشطه واالبنه وخليها ربع ساعه وباقي الخلطه صارت ثقيله لانا تركناها فتره نخففها بفنجال مويه ونصبها على القشطه واللبنه من الوسط وهي من نفسها تتوزع وانتي غطي الي ماتغطى
وسلامتكم
محدثتكم نونوخالد
