الله ياهي ذكرى تعور القلب

تصدقون كل ماصليت ذكرته وكل مااذن المغرب او العشاء ذكرته وكل ماشفت الهلال ذكرته احيانا تمر علي ساعات احس اني عايشه فيه سبحاااان الله له ريحه له جو-اكيد عرفتوه-
واللي ماعرفوه هذا تغشيش بسيط لهم
بقي بينا وبينه الله يشرفه تسعين يوم تقريبا -هااااااااااه عرفتوه-
مافيها كلاااااام -رمضان :26:
ياالله على رمضان وايام رمضان خاصه يوم حنا صغار الشهر له طعم ايامه ياسلام على ذيك الايام ولياليه ونيسه مهوب الحين الساعه ثنعش اغلب البيوت نايمين كنهم في ايام عاديه :angry2:

يالله اتذكر اوقف عند باب الشارع احتري المدفع عااااد الله اذا رمى المدفع والله ياهي فرحه مدري وش سنعنا يالبزران نفرح وحنا ماصمنا كل نهارنا نلقم خخخخخخخخخخ
لاولا الجح له طعم غييييييير شي كنه منجا كنه اناناس مايشاف الابرمضان مدري ليه
ولا الكيرم حدث ولا حرج الله لايوريكم كل عيال حارتنا في بيتنا مدري وش يبون لا وبعظهم من بساطة العيشه يرقد عندنا شايل الميانه الاخ ---يالله شوفو الحين ولد الاخت وولد الاخو نادر ماينام برى البيت وهو صغير
ولا بسطات طرزان والحلاو ماتحلى الافي ليالي رمضان كل بيت جنب بابهم بسطه وطقاق لازم كل ليله فيه واحد مفلوق راسه:024:
ولا اذا جت الفوازير وربوع بلادي وفارشين ذا البساط في الحوش عقب العشا ولازم حول البساط كم خنفسانه مدري وش تبي كنها توقيع الهليل:22:
ولا اذا قامت اميمتي الله يسلم يدياتها تلف سمبوسه نص الحشوه يروح كل من يمر من ذا البزران يخمطله خمطه
مااقول بس الا اللهم بارك لنا في رجب وشعبان وبلغنا رمضاان
هذي ذكرياتي كل سنه تتجدد علي اذا قرب رمضان ---يله ياحلوات خلونا نضحك على ذكرياتنا مع رمضان- منول-ونعني بمنول نال ينال نولا فهو منول اي قديم =وش رايكم اصلح مدرسه لغه عربيه سبهوبنا الاستاذات اول بالطريقه ذي والله اني احس نفسي سيلانيه اذا قامت تقول قال يقول قولا فهو قائل ولب القول ماقالت فوفو400:pاسفه تحمست وشطحت عن الموضوع