الله يبعد عنا وعنكم المشاكل

السلام عليكم ورحمة الله وبركاته
كيف حالكم يا حواءات؟
لثقتي الشديدة بأراء بعض الأخوات هنا حبيت أطرح هالموقف اللي سار وان شاء الله ألاقي جواب مفيد
في موقف حصل بيني وبين زوجي طبعا هو خاص اشوي بس راح احكي باختصار لاني حاسة حالي ضايعة ومش عارفة كيف أتصرف
زوجي كان متفق معي قبل بيوم انه راح يعمل احم احم عن اليوم واتفقنا ع الشي
ولما اجا هالوقت رحت سألته هيسير اشي والا لا لاني كنت بدي انام فبدي اعرف بسرعة شو ناوي حتى لو كان ما بده اروح انام كنت تعبانة
لما سالته في شغل اليوم رد علي وحكى:لو تيجي مارلين مورو ما هأعمل؟؟؟؟؟؟؟
كان الجواب بالنسبة الي صدمة انا ما باعرف مين هي مارلين بس فهمت انها اكيد وحدة قليلة أدب ودورت عليها وعرفتها
انا بصراحة زعلت كتير كتير وحاول يراضيني بس لسا حازة بنفسي الكلمة اللي حكاها وكأنه بفضلها علي وانها احسن مني
مع العلم الان هو ملتزم ومتدين ومااله بهالسوالف
ممكن تحكولي كيف اتصرف
أضل زعلانة
والا اعتبره مزح وأطنش
والا في طريقة او فكرة تخليه يحس بخطأه
وشكرا الكم