السلام عليكم ورحمة الله وبركاته
اولا بارك الله لنا ولكم في ماتبقى من شعبان
وبلغنا واياكم رمضان وجعلنا جميعا من صوامه وقوامه وتقبله منا ومنكم ومن جميع المسلمين بالرحمة والغفران والعتق من النيران
حبيباتي مبدعات عالم حواء انا وحده مبتدئه في السويتش ماكس حبيته لاني شفته اسهل من الفوتوشوب لاني حاولت بالفوتوشوب لين حولت عويناتي وطاحت ايدياتي والنتيجه عجزت اعرف له
ماني عارفه ليش :icon33:
المهم تعرفت على برنامج السويتش ماكس وحملته من موضوع هنا وتابعت دوره هنا لوحده من المبدعات الله يجزاها خير
وبعد كذا حملت البرنامج من المنتدى وبديت اسوي عليه تأثيرات على صور عيالي ونجحت على قدي وكانت المشكله الوحيده في اختيار نوع التأثير لانه كله بالانجليزي وخبركم اختكم ثقافتها كوري :42:
المهم في مره من المرات وانا احاول اشتغل عليه مادريت الا والكتابه انقلبت بدل ماهي متصله من اليمين للشمال صارت حروف متقطعه من فوق لتحت !!!!!!!!!!:44:
وشنا خبصت ووش رعصت مدري حاولت اعدل وارجع الوضع مثل ماكان ولا قدرت قلت ماعاد فيها انا محتاجه للبرنامج ابي اسوي تصاميم للتهنئه برمضان لأمي الله يطول بعمرها :26: ولأبو الشباب:arb: الله يخليه لي
المهم حذفت البرنامج وقلت ارجع احمله من جديد والمشكله الي صارت اني كل ماحملته ماينفتح لي ابد
الزبده ادري كثرت القرقر عليكم>>>>بدري
ابي الله يلحقنا وياكم رمضان برنامج السويتش ماكس او رابط سنع للتحميل وياليت اذا كان فيه نسخه كلها عربي يعني التأثيرات عربي ياليت تساعدوني فيه
والف الف الف شكر مقدما
يلزم عليك تسجيل الدخول أولًا لكتابة تعليق.
الصفحة الأخيرة
وردت علي وحده من الأخوات وحملت البرنامج
واشتغل معي
http://forum.hawaaworld.com/showthread.php?t=2526665
بس هو لغه انجليزيه ,,
دعواااتك لي ياعسل,,,