سعيدة بأذن الله @saayd_bathn_allh

عضوة نشيطة

الله يبيض وجيهكم

الله يخليكم ابغئ فزعتكن يطباخات عندي عشى راح اسوي حمام و سطة الفته بس محتارة وش اسوي طبق ثاني يكون دسم ويكمل السفرة ونوع الحلا والعصير ونوع الرز لان الحمام راح اسويه بالفرن تكفون سعدوني وكملو سفرتي لانه عشا رجال ومنافسة حااااااااااااااااادة ودي ابيض وجه زوجي الله يبيض وجه اللي تساعدني عددهم 8رجال العشا في استراحة

832

يلزم عليك تسجيل الدخول أولًا لكتابة تعليق.

تسجيل دخول

Last On • 16 سنة

هلا والله يقلبو

الحلى بامكانك تصلحين حلى كيسان توزعينه على السفره

حلى الكاسات

المقادير
الطبقة الاولى
ظرفين دريم ويب
ظرفين كريم كراميل
علبتين قشطه
ملعقتين نيدو
وشوية ماء

الطبقة الثانيه..

5 ملاعق نستله كاكاو
وقشطه
وملعقتين ك نيدو
وشوية ماء

وبسكويت نبيل

الطريقة
نخلط مقادير الخلطه الاولى ونصبها في الكؤوس
ونغمس البكسويت في حليب ونكسر وحطه على الكريمه..
ونستمر على هالطريقه ليمن نوصل نصف الكأس..
ونخلي آخر طبقه بسكوت..
وبعدين نخلط مقادير الكاكاو نصبه فوق آخر طبقة اللي ههي البسكويت ونرش عليه حبات الكاكاو..

ونحطيه في الثلاجه لحين التقديم

حلى كاسات ثاني

كل المقادير اخلطيها بخلاط الكاس (خلاط الطماط)..

1 علبة بسكوت أولكر مطحون العلبه الكبيره (175 غرام)

1 كأس ماء

1ظرف دريم ويب

1 ظرف كريمه (اللي هو كريم كراميل)

1فنجال قهوه حليب بودره

3ملاعق كبيره شوكولاته نوتيلا

1ملعقه صغيره نسكافه

شوي قرفه

اخلطيهم زين واذا خلطتيهم سكري الخلاط

بعدين جيبي كيك سويسرول امريكانا الصغير بالشوكولاته وقطعي كل كيكة

ثلاث قطع بعدين جيبي الكاسات الصغيره.. وبكل كاس صغير حطي قطعة

كيكه (انا عشان كاساتي كبار شوي حطيت قطعه ونص ولا المفروض قطعه

وحده بس لانها على حجم الكاسات الصغيره بالضبط)بعدين صبي الخليط

فوق الكيك وبعدها تجي سعة الصدر (التــــــــــزين) انتي وسعة صدرك......

حسب الموجود يافليك ياجلكسي مبشور يابودرة كاكاو يابسكويت اوريو او

الحلويات اللي على شكل حجر وفوقها تحطين نعناع ..... انا بالصوره اول

شي حطيت اصابع البسكويت بعدين طحنت بسكوت اوريو وحطيته على

الوجه وفوقه حطيت شوي فليك

واذا زينتيه وخلصتي حطيه بالثلاجه لين وقت التقديم..

وبالهناء والعافيه..

العصير بامكانك تصلحين عصير الشمباني

شوفي هذا الرابط

http://forum.hawaaworld.com/showthread.php?t=993006
وصلحي شوربه معه شوفي هذي الشوربه سريعه

شوربه الدجاج بالفطر والذرة

انصحكن فيها يا بنات والله خيال وخفيفه ولا تاخذ وقت
المقاديرعلى حسب افراد عائلتك
الطريقه
نقطع صدر دجاج مكعبات صغيرة ونضع في القدر ملعقة زبدة ( لازم زبدة تطلع لذيذه جدا)ثم نضع الدجاج ونبدا نقلب الى ان يختفي لون الدجاج ثم نضع فطر مقطع صغير وذره المقدار اللي تحبين ورشه فلفل اسود مجروش ونحرك جيدا نكون ماخذين كيس شوربة كريمة الفطر وضايفين عليه 2 ملعقه دقيق و2 ملعقه حليب ورشه ملح ونصب عليه لتر ماء ونحرك الى ان تذوب المكونات بعدين نصبها على الدجاج ونحرك الى ان يوصل للكثافه اللي نحبها اذا تبغينه ثقيل قللي الماء واذا تحبينه خفيف زيدي كمية الماء ونتركها على النار لمدة ربع ساعه وقبل ما نطفي النار نحط بقدونس مفروم

ولاتنسيني الله يعافيك من صالح الدعاء