الله يجزاكم الجنه .... ادخلوا

السلام عليكم ورحمة الله

خواتي في الله

الاحظ في الموضوعات الاخوات يتكلمون عن صديقاتهن و كل مره احاول اني اكتب هذا الموضوع و اتردد
الحين الحمد لله تِشجعت و راح اكتب قصة صديقتي إلي احترت وش اسوي لها وش اقدم لها لأنها و بكل بساطه تستاهل كل خير والله
طبعا هذه الصديقه الأقرب للكل هي صديقتي من الابتدائي إلى الآن الحمد لله ( قولوا ما شاء الله )
نحن مجموعة زميلات لكن كما قلت من قبل هي الأقرب للكل
الآن وصل عمرنا الى 29 سنه انا اصبحت الان طبيبه و هي معلمة انجليزي ممتازه ما شاء الله عليها
صديقتي هذه كانت لنا الأم و الأخت و الصديقه و الله يابنات أي وحده فينا اذا وقعت في مشكله تلجأ لها وتفضفض عندها وهي وتسمع للوحده و تحاول تحل المشكله معها بي رحابة صدر وهي ما عمرها تشكي لاحد ابدا دائما مبتسمه

مشكلتها اضطهاد اهلها لها دائما ... و تقليل من شانها دائما و الاستهزاء بشكلها مع انها و الله شكلها عادي ما فيها شي ... زيها زي البنات هي صحيح ما فيها هذا الطوول ولا هذا البياض الي ينبهروا بها الناس لكن هي في الشكل انسانه نعومه في الشكل و التصروفات ... يعني ماهي بشعه ابدا الحمد لله .... وهي عند اهلها مميزه بنعومتها و عقلها
و الاستهزاء بكلامها مع ان كلامها يريح القلب صراحة
لكن اهلها لازم يستهزؤن بها في كل شي .. و مثل ما قلت التقليل من شانها طبعا هذا الي الاحظه من اهلها
على فكره انا ما اقصد امها و ابوها لا والله ... اقصد اخوانها و اخواتها و الباقين
طبعا هي عندها اخوات وفي منهم ماتزوجوا بعد ... عُمر الوحده فيهم 40 و 42 سنه تقريبا
واذا جاء معرس ما يخلوا صديقتي تطلع لهم بحجة انه الكبار اول شي يتزوجوا
واذا كان العريس صغير على اخواتها ما يخلونها تطلع يرفضون على طول و الله يا بنات اني دائما اقول لها تكلمي تقول ما اقدر واذا تكلمت بيقولوا قليلة ادب وما تستحي وووو
ودائما عبارتها تكررها لي ( ولسوف يعطيك ربك فترضى ) وتقول هذا نصيب وانا راضيه
والله اني اعرف ان الزواج نصيب ... لكن لما اشوف تعامل اهلها معها انحرق في داخلي مع انها دائما تذكرهم بالخير لكن كل ما اكلمها طبعا على التلفون لان اهلها ما يسمحوا بالزيارات طبعا زيارات الزميلات بحجة الخوف عليهن .. كنت اسمع كلام اخواتها واسلوبهم معها والله انه احتقار بمعنى الكلمه ما اقدر اشرح اكثر و عندهم الخجل عيب في البنت وصديقتي خجوله
والله يشهد على كلامي انها من اطيب الناس الي قابلتهم هي حنونه و خلوقه لابعد حد لدرجة انه زميلة اختي تدرس مع صديقتي في نفس المدرسه تحكي لاختي وتقول عن صديقتي سبحان الله هذه الانسانه يحبونها الطالبات وتقول انه اذا حصلت بينها وبين أي شخص مشكله تبعد وتروح تصلي وترجع مبتسمه و كأنه شي لم يكن يعني ما تتوقح على احد

فعلا يا بنات و الله اني ما ابالغ هذه الانسانه من اول ما عرفتها وهي كذا واذا حصلت لنا مناسبات مثل زواجي و زواجات زميلاتنا على فكره هي الوحده من زميلاتنا الي ماتزوجت الكل تزوج الا هي
المهم في زواجي كانت تتصل و تبارك لي ولي زميلاتنا الباقيات و كان صوت الفرحه واضح
و اني مهما اوصفها ما اقدر
و دائما ادعي لها انه ربي يرزقها الزوج الصالح الغني بدينه و ماله و اخلاقه و منصبه ويرزقها من يفرح قلبها و يحترمها و يقدرها ويسعدها
امين امين امين

يا اخوات اتمنى ممن تقرا الموضوع لا تستهزء به و لا اريد من فضلكن ردا جارحا .. اريد ردا هادفا ودعوة من القلب لها
وجزاكن الله خير الجزاء

/QUOTE]


السلام عليكم ورحمة الله

كيفكم يا أخوات أسأل الله تكونوا بخير .... أخواتي سبق وأن طرحت موضوع صديقتي وهو الموجود في الأعلى
اقرأ دائما في مواضيعكم فأجد النصائح المريحه وطرق حل المشكله ولو بدعوه ....
أنا الان اطرح موضوع صديقتي لأنها يعلم الله انها تتعرض لأنواع من الاضطهاد وتقليل من شأنها .... حاولت مساعدتها لكن لا جدوى ... هي عمرها ما اشتكت لكن كل ما اتصل عليها اسمع من الكلام الي ما اقدر اقوله اذا قلت لها وش فيها فلانه تقول تمزح معي .... واذا تكلمت تقول خليها على الله ..
اخواتي وش الحل قصتها طويله مهما تكلمت ما راح انتهي ... اريد حل ولو دعوه تثلج الصدر
نصحتني صديقتي في المستشفى ان اطرح موضوع واطلب من الجميع توجيه النصيحه لها ولو دعوه من القلب صادقه واطلب منها ان ترى الردود

كان ودي اقولكم بالتفصيل لكن والله ما اقدر احكي اكثر


اتمنى التفاعل معي يا اخواتي والله انها تستاهل كل خير