الله يجزاكم الفردوس ادخلو

السلام عليكم
كيفكم بنات
حادخل في الموضوع على طول
يمكن طفشتكم بمشاكلي بس مالي غيركم بعد الله
المهم انا اعيش في هم ما ادري كيف افهمكم بس رجاء لا وحدة تج تقولي ليش ومدري ايش
انا قلتلكم قبل كدا اني اشك في زوجي واقولكم بصراحة انا ما اثق في زوجي ابدا بسبب موضوع صار ايام الملكة وانتهى
المهم ان هو سوا حساب في تويتر بس بعلمي وقدامي ويحط في البحث الاشياء الاباحية بس برضو بعلمي واحيانا اتفرج معاه وانا طبعا مو راضية بس ما اقدر اقوله ليش تتفرج وزي كدا لان بعدين حيسويها بدون علمي وانا افضل ان يسوي هذا الشي قدامي وبعلمي
لان احنا اتفقنا مانخبي على بعض شي
المهم صار يكتب في البحث xxxxxxxxxx وبصراحة مرررة انقهرت لمن كتب زي كدا
هذا معناها يبغى وحدة وزي كدة تكون في المدينة اللي هو فيها عشان يقدر يوصلها بسهولة
وانتو عارفين الفيس بوك وتويتر ملياااااان بنات الحرام اللي عارضين اجسامهم بدون اي خوف من الله
وانا اعيش بقلق دايما ان اي خرجة يخرجها اكيد حيقابل وحدة وبصراحة زوجي نسونجي وعيونه طويلة وانا ما اثق فيه بس هو طيب وكريم وحنووووون ومايرضى على زعلي ابدا وطلباتي على طول ينفذها ودايما يمشيني وزي كدا
بس المشكلة اني ما اثق فيه واذا لقى فرصة يخون حيسويها مرة قاللي ان واحد من اصحابه قاله ان هو كل سنة تقريبا يروح لكشمير عشان يشوف بنات هناك ويزني معاهم ومدري ايش والمشكلة صاحبه هذا متزوج وعنده اولاد ومرة قاله تعال معايا لكشمير وانا قلتله وقسما بالله لو رحت وسافرت لاي بلد لحالك بدوني وربي انه حيكون اخر يوم بيني وبينك
وقاللي لا انا ما اسويها ومدري ايش
تعرفو بنات احيانا اقول بيني وبين نفسي خليني اتطلق وافتك من الصراع والقلق والخوف من انه يخونني واجس في بيت اهلي معززة مكرمة
واحيانا اقول لا انا احبه وما اقدر على فراقه
ما ادري ايش اسوي
بصراحة اتعقدت من كثر اللي اسمعه
الله ياخذ التكنولوجيا اللي خربت العالم
والله يعين على هذا الزمن الصعب القابض فيه على دينه كالقابض على الجمر
دعواتكم يا بنات حبيت افضفض بالشي اللي كاتم على نفسي