الله يجزاكم خير ابي رايكممم ضرروري

السلام عليكم

كيف الحال ان شاء الله تمام يارب

السالفه حبيابي حماتي عمرها 31 سنه وباقي ماتزوجت وتقدم لها في رمضان العام
واحد متزوج عنده 6 اطفال من الدواسر وعمره في الاربعينات

ولما جاء يخطب دخل يشوفها وكان كل كلامه انه مقتدر ماديأ وان عنده خير
وعجبته وعجبها وتم الفحص والحمدالله كل شي تمام

وكان يبي الزواج بالحج بس ماتيسر رفضت لانه مايمديها تتجهز وبعدين طلبوها بديله

وكان يبي الزواج في الاجازه اللي في شهر 2 بس هي رفضت عشان البديله
وكان كل اسبوع يتصل يشوف هل غيرت رأياها عشان الزواج يكون في شهر 2
بس زوجي كل مره يرد عليه يقول لا خلاص تبي تكمل في الصيف الزواج

ويرجع يتصل يسأل نفس السؤال زوجي طفش منه يقول هذا مو رجال يفهم الكلام
وبعدين دق وقاله زوجي اذا تبي ملكه الحين مافي مشكله تعال

هو رد قال وشو الفايده من الملكه ابي عرس قال زوجي عرس الحين مافي قال شوف يمكن تغير رايها
زوجي طبعا عصب:mad:

يقول شكلي بفركش الزواجه كلها هذا مو رجال

واخر اتصال كان قبل اسبوع يقول خلاص بجي املك بس عادي ازورها قال زوجي ايه عادي

وقال عادي تطلع معي واروح انا وهي مشاوير واجيهاااا كزوجه
وبعدين في الصيف نعلن الزواج

قال زوجي لا مو عادي بس زياره عند الاهل وفي الصيف الزواج بعد الزواج خذها وين ماتبي

سؤالي اش رايكم بتصرفاته هل هو طبيعي ولله البنت ماتستاهل وهي حبوبه وضعيفه
خايفه عليها ولله احيانا قعده الوحده ببيت اهلها احسن من زوج يكره الوحده عيشتها

على فكره الرجال من الدواسر واحنا من منطقه الجنوب

مدري هو طبع الدواسر في الزواج كذا ايام الملكه عادي يطلعون مع بعض

ورجاااااء اللي تدخل اتمنى ترفع الموضوع الله يرفع مقداركم